LOYEMBO 137
Basi ya sembo, basi bakristo
-
1. Banda kala, basi ya sembo baza’,
Neti Maria, Ruta, Ester’, Sara.
Batyaki Nzambe n’esik’a liboso.
Bango, toyebi bankombo na bango.
Ezali mpe na basi mosusu;
Nkombo toyebi te, bazalaki sembo.
-
2. Basi yango, basi malamu mpenza.
Basi’a boboto, mpiko, mpe bolingo.
Bazali ndakisa malamu mpenza.
Tólanda mpe bizaleli na bango.
Lelo oyo mpe bandeko basi,
Baza’ mpenza sembo, ndakisa kitoko.
-
3. Bamama mpe bandeko basi nyonso,
Bóyeba: Nzambe alingaka bino.
Na komikitis’oyo boza’ n’ango,
Mpe elateli kitoko na bino.
Tiká Yehov’azala na bino,
Mpe bóyika mpiko, lobiko’ebɛlɛmi.
(Talá mpe Flp. 4:3; 1 Tim. 2:9, 10; 1 Pe. 3:4, 5.)
