BÓSƐNZƐLAKA!
Bomoi ya banyama na zamba mpe banzete ebebi makasi na boumeli ya mbula 50—Biblia elobi nini?
Na mokolo ya 09/10/2024, ebongiseli moko na nkombo (World Wildlife Fund) ebimisaki lapolo moko ya mabe mpenza oyo emonisi ndenge makambo oyo bato bazali kosala ezali kobebisa bomoi ya banyama mpe banzete. Lapolo yango emonisaki ete “na boumeli ya bambula koleka 50 oyo euti koleka (1970-2020), motángo ya banyama ekiti na 73% koleka ndenge ezalaki liboso.” Lapolo yango epesaki likebisi oyo: “Tolekisi ndelo te na koloba ete makambo oyo ekosalema na boumeli ya bambula mitano oyo ekoya, ekomonisa ndenge bomoi ya bato ekozala awa na mabele na mikolo ezali koya.”
Balapolo ya ndenge wana ezali kopesa bato mpasi na motema. Tolingaka mabele esika tofandi mpe tosepelaka te komona ndenge bato bazali konyokola to koboma banyama mpe kobebisa banzete kaka mpamba. Toyokaka bongo mpo Nzambe apesaki biso mokumba ya kobatela banyama.—Ebandeli 1:27, 28; Masese 12:10.
Yango wana, okoki komituna boye: ‘Tokokoka mpenza kobatela banyama mpe banzete? Biblia elobi nini?’
Elikya mpo na mikolo ezali koya
Ata soki tosali nyonso mpo na kobatela banyama, kaka Nzambe nde akoki mpenza kobatela yango. Na Emoniseli 11:18, Biblia esakolaki ete Nzambe ‘akobebisa baoyo bazali kobebisa mabele.’ Vɛrsɛ yango eteyi biso makambo mibale:
1. Nzambe akopesa bato nzela te mpo bábebisa mabele na mobimba na yango.
2. Mosika te Nzambe akozwa ekateli. Ndenge nini toyebi yango? Mpo lelo oyo, banyama mpe banzete ezali mpenza na likama koleka ndenge ezalaki liboso.
Nzambe akosala nini mpo na kosilisa mokakatano yango? Akosalela guvernɛma na ye ya likoló, to mpe Bokonzi na ye, mpo eyangela mabele mobimba. (Matai 6:10) Guvernɛma yango ekopesa bato ya botosi mateya mpe formasyo oyo basengeli na yango mpo na kobatela banyama mpe banzete.—Yisaya 11:9.
Talá mpe...
MATEYA MPENZA YA BIBLIA
Mpo na nini Nzambe akelaki mabele?
Mabele etondi na biloko kitoko mpenza. Akabolá yango na moi na ntaka oyo ebongi mpenza, atyá na ndenge etɛngamá malamu mpe atyá yango ebalukaka na vitɛsi oyo ebongi. Mpo na nini Nzambe asalaki milende mingi ndenge wana mpo na kokela mabele kitoko oyo?
BIYANO NA MITUNA YA BIBLIA
Mabele ekobebisama?
Biblia elobeli polele mokano ya Nzambe mpo na mabele na biso.
MAKAMBO MOSUSU
Elikya ya solosolo mpo na mikolo ezali koya
Mpo nini bilaka oyo ezali na Biblia ekeseni mpenza bisakweli mpe bilaka oyo bato bapesaka?
MATEYA MPENZA YA BIBLIA
Bokonzi ya Nzambe ezali nini?
Ntango Yesu azalaki awa na mabele, ateyaki makambo etali Bokonzi ya Nzambe koleka makambo mosusu nyonso.
BIYANO NA MITUNA YA BIBLIA
Bokonzi ya Nzambe ekosala nini?
Talá makambo oyo okoki kozela ete guvɛrnema ya Nzambe ekosala na mabele mobimba.
OLINGI KOYEBA BISO?
Sɛngá moto moko aya kotala yo
Kolobela motuna moko ya Biblia, to koyekola makambo mingi na ntina etali Batatoli ya Yehova.
