Ozali komiyoka mawamawa mpo ozali kaka yo moko? Soki bongo, mbala mosusu ozali komiyoka lokola mokomi ya nzembo, oyo alobaki: “Nakómi lokola ndɛkɛ oyo ezali yango moko na nsamba.” (Nzembo 102:7) Toli ya Biblia ekoki kosalisa yo olonga mikakatano oyo eyaka ntango moto azali kaka ye moko.

•  Kómisá makasi boyokani na yo ná Nzambe

•  Tángá masolo ya kobɔndisa oyo ezali na Biblia

•  Luká koyeba mpo na nini makambo mabe ezali kosalema na mokili

•  Boyá mitungisi ezangá ntina

•  Zalá na baninga mpe yebá kobatela boninga

•  Saláká ngalasisi

 Ata ntango ozali yo moko, okoki kozala na esengo soki oyebi oyo osengeli kosala mpo na kosepelisa Nzambe mpe ozali kosala yango. (Matai 5:3, 6) Bisaleli ya ofele oyo elandi ekoki mpenza kosalisa yo mpo na likambo yango.

•   Biblia na Internet oyo ezali mpenza pɛtɛɛ na kotánga

•   Eteni “Toli ya Biblia” na site Internet na biso (na Anglais) epesaka biyano na mituna ya ntina mingi ya bomoi

•   Bavideo ya mikuse oyo elobelaka mateya ya ntina mingi ya Biblia

•   Eteni “Biyano na mituna ya Biblia”​—Oyo epesaka biyano na mituna oyo bato bamitunaka mingi

•   Eteni “Mekolá kondima na bango”​—Ezali na masolo oyo ekosalisa yo omona na makanisi bomoi ya basi mpe mibali ya sembo oyo Biblia elobeli

•   Eteni “Ebimá kaka yango moko?”​—Emonisaka ndenge biloko nyonso na mokili ekelamá kitoko mpe na ndenge ya kokamwa

 Bavɛrsɛ ya Biblia oyo ezali na nse esalisá bato ebele mpo bázwa libɔndisi. Na esika otánga bavɛrsɛ ebeleebele na mbala moko, luká kosalela malamu ntango oyo ozali yo moko mpo na kokanisa mingi na bavɛrsɛ yango mokomoko mpe mpo na kobondela.​—Marko 1:35.

•   Nzembo 23:1-6

•   Nzembo 34:1-22

•   Nzembo 46:1-11

•   Nzembo 63:6-8

•   Nzembo 91:1-6

•   Matai 6:25-34

•   2 Bakorinti 1:3, 4

•   Bafilipi 4:6, 7

•   1 Petro 5:6, 7

 Okoki kolonga mpenza mikakatano nyonso na bomoi soki oyebi mpo na nini makambo mabe ezali kosalema mpe ndenge nini Nzambe akosilisa yango.​—Yisaya 65:17.

•   Mpo na nini Nzambe atiki bampasi ezala?

•   Biblia elobi nini mpo na maladi mpe sante?

•   Elembo ya mikolo ya nsuka ezali nini?

•   Batambwisi-mpunda minei ya mokanda ya Emoniseli bazali banani?

•   Bokonzi ya Nzambe ekosala makambo nini mpo na bato?

 Masolo oyo elandi ekoki kosalisa yo olonga mawa oyo eyaka ntango ozali yo moko mpe ‘otika komitungisa.’​—Matai 6:25.

•   Oyo okoki kosala mpo na kolonga kotungisama

•   Kobatela makanisi malamu

•   Mitungisi mpo na makama

•   Mitungisi mpo na mbongo

•   Mitungisi oyo bana mike bakutanaka na yango

 Kozala na baninga ekosalisa yo omiyoka malamu mpe ozala na makanisi malamu, mpe ntango likoki ya kokutana na bato boye ezali te, kozala na baninga ekómaka lisusu na ntina mpenza. Soki okangami yo moko na ndako, okoki ata kobenga bato na telefone to mpe na video mpo osala boninga na bango to obatela baninga oyo ozali na bango. Masolo oyo elandi ekoki kosalisa yo ozwa mpe ozala “moninga ya solosolo.”​—Masese 17:17.

•   Kozala moninga malamu esɛngaka nini?

•   Nasengeli kobakisa baninga?

•   Okosala nini soki ozali komona ete ozangi baninga?

•   Kabáká mpo ozala moninga malamu

•   Monisáká botɔndi mpo ozala moninga malamu

 Biblia elobi ete “ngalasisi ya nzoto ezali na litomba.” (1 Timote 4:8) Ngalasisi esalaka ete moto akanisaka malamu mpe azala na esengo, mingimingi ntango azali ye moko. Ata soki okangami yo moko na ndako, ozali na makambo ya kosala mpo ozala ntango nyonso nzoto malamu.

•   Saláká muvema

•   Kozala nzoto kolɔngɔnɔ mpe makanisi malamu