BÓSƐNZƐLAKA!
Ntalo ya biloko ezali se komata na mokili mobimba—Biblia elobi nini?
Na lapolo moko ya sanza ya 06/2022, mokambi ya Banque mondial alobaki boye: “Nkita ya mokili ekómi lisusu na likama. Na mbala oyo, ntalo ya biloko ezali se komata, nzokande bato bazali lisusu na mbongo mingi te.”
Ebongiseli moko (Fonds monétaire international) elobi boye: “Ntalo ya esansi mpe ya biloko ya kolya ezali komata mbangu mpenza, mpe yango ezali kobakisela bato mpasi mingi na mikili ya bobola.”
Biblia ezali kosalisa biso tóyeba ntina oyo tozali na mikakatano makasi ya mbongo, ndenge oyo tokoki kosala mpo na yango, mpe epesi biso elikya ete makambo ekobonga mpo na libela.
Komata ntalo ya biloko na “mikolo ya nsuka”
Biblia ebengi eleko na biso “mikolo ya nsuka.”—2 Timote 3:1.
Yesu alobaki ete “bilembo minene,” elingi koloba, makambo ya nsɔmɔ ekosalema na eleko yango. (Luka 21:11) Komata ntalo ya biloko ezali kobangisa bato mpenza. Bato bazali komitungisa mpo na bomoi na bango mpe bazali komituna soki bakokoka koleisa mabota na bango.
Mokanda ya Emoniseli esakolaki ete ntalo ya biloko ekomata na mikolo na biso. Elobi boye: “Nayoki lokola mongongo moko. . . . Elobi: ‘lifuta ya mokolo moko ya mosala ekozala bobele po na . . . bakopo misato ya orje.’”—Emoniseli 6: 6, Bible na Lingala ya lelo oyo.
Mpo na koyeba makambo mosusu oyo etali “mikolo ya nsuka” mpe batambwisi-mpunda minei ya mokanda ya Emoniseli, talá video Mokili ebongwaná banda 1914 mpe tángá lisolo “Batambwisi-mpunda minei yango ezali banani?”
Ndenge mikakatano nyonso ya mbongo ekosila
“Bakotonga bandako mpe bakofanda kuna; mpe ya solo, bakolona bilanga ya vinyo mpe bakolya mbuma na yango. Bakotonga mpo moto mosusu afandaka kuna te; bakolona mpo moto mosusu alya te.”—Yisaya 65:21, 22.
“Mbuma ekozala beboo na mabele; na nsɔngɛ ya bangomba biloko ekotondana.”—Nzembo 72:16.
“‘Lokola bato ya mpasi bazali kopunzama, lokola babola bazali kokimela, nakotɛlɛma sikoyo,’ Yehova alobi bongo.”—Nzembo 12:5. a
Mosika te, Nzambe akosukisa mikakatano nyonso ya mbongo oyo ezali konyokola bato. Akosala yango kaka na ekólo moko te kasi na mokili mobimba. Mpo na komona ndenge oyo akosala yango, tángá lisolo “Mikakatano ya nkita ekosila mokolo mosusu?”
Kasi ata sikoyo, Biblia ekoki kosalisa yo oyeba oyo okoki kosala ntango biloko emati ntalo. Na ndenge? Biblia ezali na batoli oyo ekoki kosalisa yo oyeba kosalela mbongo malamu. (Masese 23:4, 5; Mosakoli 7:12) Mpo na komona batoli yango, tángá lisolo “Batelá mbongo mpe biloko na yo ya kobikela,” mpe “Kotalela mbongo na ndenge ebongi.”
a Yehova ezali nkombo ya Nzambe.—Nzembo 83:18.
Talá mpe...
BIYANO NA MITUNA YA BIBLIA
Elembo ya “mikolo ya nsuka,” to ‘ntango ya suka’ ezali nini?
Biblia elobeli makambo oyo ekosalema liboso “suka ya mokili” eya.
BIYANO NA MITUNA YA BIBLIA
Biblia ekoki kosalisa na makambo etali mbongo mpe banyongo?
Mbongo ekoki kosomba esengo te, kasi Biblia ezali na makanisi minei oyo ekoki kosalisa yo na makambo ya mbongo.
LAMUKÁ!
Kotalela mbongo na ndenge ebongi
Komituna mituna nsambo ekoki kosalisa yo oyeba soki ndenge oyo otalelaka mbongo ezali lisusu malamu te.
NDENGE BAVƐRSƐ YA BIBLIA ELIMBOLAMI
Ndenge Bafilipi 4:6, 7 elimbolami—“Bómitungisa ata na likambo moko te”
Mabondeli ya lolenge nini ekoki kosalisa basambeli ya Nzambe bátika komitungisa mpe bázwa kimya ya motema?
OLINGI KOYEBA BISO?
Mpo na nini koyekola Biblia?—Mobimba na yango
Biblia epesi biyano na mituna minene oyo etali bomoi oyo bamilio ya bato na mokili mobimba bamitunaka. Okosepela kozala moko ya bato yango?
OLINGI KOYEBA BISO?
Sɛngá moto moko aya kotala yo
Kolobela motuna moko ya Biblia, to koyekola makambo mingi na ntina etali Batatoli ya Yehova.
