BÓSƐNZƐLAKA!
Monganga moko oyo atalelaka makambo ya sante na ekólo alobeli makama ya ba-réseaux sociaux mpo na bana—Biblia elobi nini?
Na mokolo ya 23/05/2023, monganga moko oyo alandelaka makambo ya sante na États-Unis akebisaki bato na makama ya ba-réseaux sociaux mpo na bana.
“Atako ba-réseaux sociaux esalisaka bana mpe bilenge mingi, kasi ezali mpe na makambo mingi oyo emonisi ete ba-réseaux sociaux ekoki kobebisa makanisi ya bana mpe bilenge, ata mpe kobebisa nzoto na bango.”—Réseaux sociaux et santé mentale des jeunes: Chef des services de santé des États-Unis, 2023.
Monganga yango alobelaki bolukiluki oyo esalemaki, oyo emonisi ete makama ezali.
Bana ya mbula kobanda 12 tii 15 “oyo bazalaki kolekisa bangonga misato na mokolo na kosalela ba-réseaux sociaux, makanisi na bango ezalaki kobeba mpenza mpe mingi bakómaki komitungisa makasi to konyokwama na makanisi.”
Bana ya mbula 14 oyo bazalaki kosalela ba-réseaux sociaux mingi bakutanaki na makama lokola, “kolala malamu te, matumoli ya baninga mosusu, kosepela te ndenge bazali, komiyoka ntina te mpe mitungisi ya makanisi. Makambo yango ezalaki komonana mingimingi epai ya bana basi.”
Ndenge nini baboti bakoki kobatela bana na bango na makama wana? Biblia epesi batoli oyo ekosalisa bino.
Oyo baboti bakoki kosala
Bómikɔtisa na makambo yango. Lokola bozali baboti, bóluka koyeba makama ya ba-réseaux sociaux mpe bózwa ekateli soki bana na bino basengeli kosalela yango to te.
Etinda ya Biblia: “Bɔkɔlá mwana . . . na kolanda nzela oyo esengeli mpo na ye.”—Masese 22:6.
Mpo na koyeba makambo mosusu, tángá lisolo “Mon enfant devrait-il utiliser les réseaux sociaux?”
Soki bopesi bana na bino nzela básalelaka ba-réseaux sociaux, bóluka koyeba makama oyo ekoki kobima mpe bómikɔtisa na makambo oyo bazali kosala na basite yango. Ndenge nini bokosala yango?
Bóbatela bana na bino na makambo ya mabe oyo ezali na kati. Bóteya bana ndenge ya koyeba makambo ya mabe mpe ndenge ya kokima yango.
Etinda ya Biblia: Pite mpe mbindo ya ndenge nyonso to lokoso etángama ata kotángama te na kati na bino, . . . etamboli ya nsɔni mpe te, masolo ya bozoba te, masɛki ya nsɔni te.”—Baefese 5:3, 4.
Mpo na makanisi mosusu ya ntina, tángá lisolo “Protégez votre adolescent des dangers des réseaux sociaux.”
Bótyela bana ntango. Na ndakisa, bótya mibeko na oyo etali ntango boni mpe ntango nini bana na bino bakoki kosalela ba-réseaux sociaux.
Etinda ya Biblia: “Bókeba mpenza ete ndenge na bino ya kotambola ezala . . . lokola bato ya bwanya, bómisombela ntango oyo ebongi.”—Baefese 5:15, 16.
Bósalela video Kebá na basite Internet ya kosolola na baninga mpo na kosalisa bana na bino béyaba ntina ya kotya ntango ya kosalela basite yango.
Talá mpe...
LIBALA MPE LIBOTA
Mwana na ngai asengeli kozala na telefone?
Komituna mituna oyo mpo na koyeba soki yo ná mwana na yo bomibongisi mpo na mokumba.
LIBALA MPE LIBOTA
Teyá bana ndenge malamu ya kosalela telefone
Ata mwana oyo ayebi teknoloji malamu asengeli kotambwisama na baboti na ye mpo na kosalela telefone na ndenge oyo ebongi.
MAKAMBO BILENGE MOSUSU BALOBI
Oyo bilenge mosusu balobi mpo na telefone
Mpo na bilenge mingi, telefone esalisaka na kozwa baninga. Bolamu mpe makama na yango ezali nini?
MITUNA OYO BILENGE BATUNAKA
Ezali na ntina kozala na baninga mingi na basite ya kosolola na bato?
Bato mosusu batyaka bomoi na bango na likama kaka mpo báyebana mingi mpe bato basepelaka na biloko oyo batyaka na basite ya kosolola na bato. Koyebana mingi ezali mpenza na ntina?
OLINGI KOYEBA BISO?
Sɛngá moto moko aya kotala yo
Kolobela motuna moko ya Biblia, to koyekola makambo mingi na ntina etali Batatoli ya Yehova.
