Mbula makasi oyo ebɛtaki na mopɛpɛ makasi ebebisaki biloko na ɛsti ya Espagne na sanza ya 09 mpe ya 10/2019. Mbula yango ebimisaki makama monene na mokolo ya 23/10/2019 na etúká ya Tarragona wana ebale Francolí etondaki makasi mpenza. Likambo ya mawa, bato mitano bakufaki na mpela yango. Na kati na bango, bandeko na biso mibale oyo bazalaki kokatisa gbagba (pont) mpo na kozonga na ndako nsima ya makita ya lisangá ntango motuka na bango ememamaki na mpela yango.

Bankulutu bazali kolendisa bandeko ya lisangá yango ndenge bazali na mawa mpo na bandeko mibale oyo bakufaki na likama yango. Ndeko moko ya Komite ya filiale akendaki kotala lisangá yango mpo na kolendisa bandeko na elimo.

Tozali kobondela ete Yehova akoba kobɔndisa bandeko na biso wana na ntango oyo ya mpasi.​—2 Bakorinti 1:3, 4.