Kobanda na mokolo ya 24 tii na 26/12/2021, mbula moko makasi ebɛtaki na etúká ya Bahia, na Brésil, mpe bato koleka 640 000 bakutanaki na likama yango. Mpela yango esalaki ete bisika mingi ekabwana na bisika mosusu, mpe bingumba mingi etondaki na mai mpe ekabwanaki na bingumba mosusu.

• Ata ndeko moko te azokaki

• Bandeko 273 balongwaki na bandako na bango mpo na kokende kofanda na bisika mosusu

• Bandako 109 ya bandeko ebebaki mwa moke

• Bandako ya Bokonzi 3 ebebaki mwa moke

• Komite ya kopesa lisungi na ntango ya makama etyamaki mpo na kopesa mai, bilei mpe bilamba

• Bandeko balongwaki na bandako mpo bákende kofanda epai ya bandeko na bango ya libota mpo na mwa ntango to epai ya bandeko na bango bakristo

• Bandeko ya Komite ya kopesa lisungi na ntango ya makama basalaki makambo nyonso na kolanda malako ya komibatela na coronavirus

Ndeko Marcelo Ambrósio, oyo asalaka na Komite ya kopesa lisungi na ntango ya makama, alobi boye: “Komona ndenge bandeko bazalaki komoniselana bolingo elendisaki biso mingi mpe ekómisaki makasi ekateli na biso ya kosalela Yehova na motema na biso mobimba.”

Toyebi ete Yehova “akokóma esika ya kobombana” mpo na bandeko na biso oyo bakutani na likama ya mpela wana ya makasi.​—Nzembo 9:9.