Batatoli ya Yehova bazali kosalisa bandeko oyo basambelaka na bango mpe bato mosusu oyo bazwaki likama mpo na mɔtɔ oyo ezikisaki zamba hektarɛ koleka 1 200 000 na ntei mpe sudi ya Chili. Bakonzi ya Leta ya mboka yango balobi ete mɔtɔ yango oyo epelaki pɔsɔ mibale mobimba, eleki mabe mɔtɔ mosusu nyonso oyo ebimá na mboka yango.

Lapolo oyo biro ya filiale ya Batatoli ya Yehova na ekólo Chili epesaki emonisi ete ata Motatoli moko te azwaki likama to akufaki na mɔtɔ yango. Basusu basengelaki kolongwa na bandako na bango mpe kokende kofanda na bandako ya baninga oyo basambelaka na bango.

Likambo ya mawa, ndako mitano ya Batatoli ya Yehova ezikaki na mɔtɔ yango. Biro ya filiale ezwaki ebongiseli ya kotinda komite moko ya lisungi mpo na kotala ndenge makambo ezali mpe kobongisa ndenge ya kosunga bandeko.

Lisangani ya Mikóló-Bakambi ya Batatoli ya Yehova na biro monene ekómisaka pɛtɛɛ mosala ya kosunga bandeko oyo bazwi likama na ndenge esalelaka mpe mbongo ya makabo oyo bandeko bapesaka mpo na mosala ya kosakola na mokili mobimba mpo na kosunga baoyo bazwi likama.

Bato oyo bapanzi-nsango bakoki kobenga:

Mpo na mokili mobimba: David Semonian, Biro ya kozwa bansango, +1-845-524-3000

Chili: Jason Reed, +56-2-2428-2600