Na ntɔngɔ ya mokolo ya 1/04/2017, mai ya bibale misato oyo ezali pene na Mocoa, engumba-mokonzi ya etúká ya Putumayo na ekólo Colombie etondaki koleka ndelo, mpe ememaki pɔtɔpɔtɔ oyo ebebisaki biloko mpe ebomaki bato mingi. Likambo ya mawa, biro ya Batatoli ya Yehova na Colombie emonisi ete bandeko mibale bakufaki mpe ndeko moko azali komonana te. Longolá yango, bandako mitano ya Batatoli ya Yehova ebebaki. Yango wana Batatoli ya Yehova babandaki mosala ya kopesa bato bilei, mai ya pɛto, petrole, bisika ya kofanda mpe bandeko oyo bakambaka bakitisaki bato motema na nzela ya Biblia. Biro ya Batatoli ya Yehova na Colombie nde ezali kotambwisa mosala wana ya kosalisa bato.

Bato oyo bapanzi-nsango bakoki kobenga:

Na mokili mobimba: David A. Semonian, Biro ya kozwa bansango, +1-845-524-3000

Na Colombie: Wilson Torres, +57-1-8911530