30/08/2018
CORÉE DU SUD
Tribinale monene ya Corée du Sud eyoki makanisi ya bato mpo na likambo ya koboya mosala ya soda mpo na kotosa lisosoli
Na mokolo ya 30/08/2018, tribinale monene ya ekólo Corée du Sud etalelaki na miso ya bato likambo ya Batatoli ya Yehova misato oyo baboyaki kosala mosala ya soda mpo na kotosa lisosoli na bango. Lokola bazuzi yango 13 balekisaki ngonga minei na kotuna mituna na baavoka ya Batatoli mpe bato mosusu mpo na koyeba soki ezali malamu to mabe, na kolanda mibeko, kokanga na bolɔkɔ bato oyo baboyi kosala mosala ya soda mpo na lisosoli na bango, yango emonisi ete likambo yango ezali kotungisa bato ebele ya ekólo yango. Bazuzi balekisaki ntango mingi na kolobela ekateli ya kokamwa oyo ezwamaki na tribinale oyo etalelaka mibeko na mokolo ya 28/06/2018, oyo esɛngaki ete bábimisa mosala mosusu kasi ya soda te mpo na bato oyo baboyi kosala yango na esika ya kotya bango na bolɔkɔ lokola nde basali likambo monene oyo ebuki mobeko. Baavoka yango basɛngaki bazuzi bándima ete bandeko wana misato bakwei na likambo te mpe básalela makanisi oyo ebimi na ntina ya likambo yango mpo na kosalisa batribinale ekoka kokata makambo koleka 900 ya ndenge wana, oyo ezali kozela básambisa yango. Tribinale monene ezali sikoyo na mokumba ya koyeba ntango nini mpe ndenge nini ekokata likambo ya Batatoli wana misato.
Na kondima nyonso, biso ná bandeko koleka 100 oyo bazali naino na babolɔkɔ, tozali kokoba na motema molai nyonso, kotalela Yehova Nzambe ya lobiko na biso.—Mika 7:7.
Talá mpe...
BANSANGO YA SIKA
Elikya ya moto moko oyo aboyi mosala ya soda mpo na kotosa lisosoli na ye ezali se kobakisama mpo etikali moke tribinale monene esala likita
Tribinale monene ya Corée du Sud ekosala likita na mokolo ya 30/08/2018 mpo na kotalela ekateli oyo tribinale oyo etalelaka mibeko ya mboka na likambo ya baoyo baboyaka mosala ya soda mpo na kotosa lisosoli na bango.
BANSANGO YA SIKA
Kobongisa likambo ya baoyo baboyaka mosala ya soda mpo na kotosa lisosoli na bango: Ekateli oyo tozalaki kozela banda kala ete tribinale oyo etalelaka mibeko ya mboka Corée du Sud ezwa
Na ekateli oyo ezwaki, Tribinale oyo etalelaka mibeko ya mboka esɛngaki guvɛrnema ya Corée du Sud ebongisa lisusu mobeko ya mosala ya soda na nsuka ya 2019 mpo etya misala mosusu ya Leta na esika ya mosala ya soda.
BANSANGO YA SIKA
Corée du Sud ekómi kondima ntomo ya baoyo baboyaka mosala ya soda mpo na kotosa lisosoli na bango
Corée du Sud ezali kokende liboso mpo na likambo ya baoyo baboyaka mosala ya soda mpo na kotosa lisosoli na bango atako Cour constitutionnelle ezwi naino ekateli te mpe batye naino mibeko ya sika te.