Na mokolo ya mitano, 18/05/2018, aksida ya aviɔ Boeing 737 esalemaki na engumba Havane, na Cuba mwa moke nsima ya komata. Na bato 113 oyo bazalaki na kati ya aviɔ yango, kaka moto moko nde abikaki, yango ezali aksida ya aviɔ oyo eleki mabe mpenza oyo esalemi nsima ya ebele ya bambula.

Likambo ya mawa, na kati ya bato oyo bakufaki ezali mpe na libota moko ya Batatoli ya Yehova misato (tata, mama mpe mwana na bango ya mobali ya mbula 22), oyo bazalaki basakoli ya molende mpe bandeko ya lisangá na bango na Cuba balingaki bango mingi. Bakundaki bango mokolo ya pɔsɔ 26/05/2018.

Longolá libɔndisi mpe lisungi ya elimo oyo bankulutu bazali kopesa baninga mpe bato ya libota ya bandeko oyo bakufi, bakonzi ya mboka yango bapesaki mpe lisungi. Tozali na kondima ete Yehova akokoba ‘kobɔndisa baoyo bazali kolela’ na ntango oyo ya mpasi.​—Yisaya 61:1, 2.