24/6/2019
ÉQUATEUR
Guayaquil, Équateur—Liyangani oyo esangisaka mikili mingi ya Batatoli ya Yehova 2019 “Bolingo esilaka soki moke te”!
Dati: 14-16/06/2019
Esika: Estadio Monumental Banco Pichincha na Guayaquil, na ekólo Équateur
Programɛ esalemaki na minɔkɔ oyo: Anglais, elobeli ya bababa ya Équateur, Espagnol
Motángo eleki monene: 53 055
Bato oyo bazwaki batisimo: 702
Bandeko oyo bautaki na mikili ndenge na ndenge: 5 300
Bafiliale oyo ebengisamaki: Amérique Centrale, Argentine, Belgique, Bolivie, Colombie, Corée, Cuba, Espagne, États-Unis, Kazakhstan, Moldova, Myanmar, Pologne
Likambo oyo ebendaki likebi ya bato: José Francisco Cevallos, prezida ya ekipi ya Barcelona oyo azali nkolo ya stade yango alobaki boye: “Tozwá naino te matata mpo na mayangani na bino, ezala mpe liyangani oyo to oyo esalemá bambula eleká. Yango emonisi ete bozali bato ya bizaleli malamu mpe ya molɔngɔ. Yango emonanaka na mayangani na bino nyonso. Ezalaka pɛtɛɛ te mpo na kobongisa liyangani ya ndenge oyo, kasi bosalaka yango ntango nyonso malamu koleka. Bozali bato malamu—boteyami malamu, bozali na boboto mpe na bonkonde mpe boyebi kotambwisa makambo. Tozali mpenza kosɛnga engumba nyonso mpe ekólo nyonso eyamba Batatoli ya Yehova.”
Bandeko oyo bauti na mikili ndenge na ndenge batɛlɛmi mpo na kokanga fɔtɔ ntango bazali kosala viziti na Betele ya Équateur
Bandeko ya Équateur babimi na mosala ya kosakola elongo na bandeko oyo bauti na mikili ndenge na ndenge
Bandeko oyo bauti na mikili ndenge na ndenge basangani esika moko mpo na koyemba nzembo na mokolo ya liboso ya liyangani
Mwa ndambo ya bato ya sika 702 bazali kozwa batisimo
Bandeko oyo bauti na mikili ndenge na ndenge bazali kozwa banɔti ntango bazali kolanda diskur
Bandeko oyo bauti na mikili ndenge na ndenge bazali kosala elembo ya motema na Coréen mpo na komonisa bolingo
Ndeko Kenneth Cook, ya Lisangani ya Mikóló-Bakambi, azali kosala diskur ya nsuka ya mokolo ya pɔsɔ ya liyangani
Bandeko oyo bamipesá kaka na mosala ya ntango nyonso oyo bayei na liyangani bazali kopepa mabɔkɔ mpo na kopesa mbote ya bokabwani na mokolo ya nsuka ya liyangani
Bandeko ya Équateur bazali kosala masano mpo na kosepelisa bandeko oyo bauti na mikili ndenge na ndenge na ntango ya bolei ya mpokwa
Talá mpe...
OLINGI KOYEBA BISO?
Yanganá na liyangani ya etúká ya 2024—‘Sakolá nsango malamu!’
Tozali na esengo ya kobengisa yo na liyangani ya etúká ya mbula oyo ya Batatoli ya Yehova ya mikolo misato ya mbula.
