Na nɔrdi ya Californie mpe ya Oregon

• Mikalikali soki 14 000 mpe makambo mosusu epelisi mɔtɔ na bisika koleka 700 mpe ezikisi zamba ektare koleka milio moko na nɔrdi ya Californie mpe na bisika mosusu ya Oregon

• Milinga ná putulu ebebisi mopɛpɛ mingi mpenza. Na mokolo ya 21/08/2020, balobaki ete na nɔrdi ya Californie, mopɛpɛ ebebi makasi koleka bisika nyonso oyo mopɛpɛ ebebi na mokili

• Na bisika mibale oyo mɔtɔ yango ezali naino kopela, balobi ete ezali mɔtɔ ya mibale mpe ya misato oyo eleki monene banda mɔtɔ ebandá kozikisa bazamba na Californie

• Basakoli 936 bakimaki bandako na bango mpo na mwa ntango

• Bandako ya basakoli 2 ebebi mpenza

• Komite ya kopesa lisungi, bakɛngɛli ya zongazonga mpe bankulutu ya masangá bazali kosala elongo mpo na kosalisa baoyo bazwi likama yango

Bandeko basepeli makasi mpenza na lisalisi oyo bandeko mosusu bapesi bango. Ndeko moko alobi boye: “Ezala likambo nini ekómeli yo, bandeko na biso bakosalisa yo nokinoki mpenza. Tozali bato ya libota moko.” Milende oyo bandeko bazali kosala mpo na kosalisa bandeko oyo bazwi likama ezali elembeteli oyo emonisi ete eloko moko te ekoki “kokabola biso na bolingo ya Nzambe.”​—Baroma 8:39.