Na sanza ya 05/2019, nsango epesamaki ete mbula moko ya mopɛpɛ makasi ekobɛta na États-Unis.

Batatoli ya Yehova na Arkansas, Indiana, Mississippi, Missouri, Ohio, Oklahoma, Pennsylvanie, mpe Texas bakutanaki na likama yango. Ata ndeko moko te akufaki na likama yango. Kasi, bandeko motoba bazokaki mwa moke, minei na kati na bango bamemaki bango na lopitalo. Lisusu, bandako 6 ya bandeko na biso ekweaki, bandako 98 mpe Bandako ya Bokonzi 12 ebebaki. Lokola bandako ebebaki bongo, bandeko na biso 84 batikaki bisika na bango mpe bakendaki kofanda bisika mosusu.

Wana bandeko bazali kokoba kolandela makama oyo esalemaki, bazali mpe kopesa bilei, mai mpe bisika ya kofanda epai ya bandeko oyo basengeli na yango. Bankulutu ya mboka yango mpe bakɛngɛli ya zongazonga bazali kobɔndisa bandeko na biso mpe kolendisa bango na elimo.

Tokokoba kosunga bandeko na biso mpe kobondela mpo na bango, ndenge bazali koyika mpika na makama oyo mopɛpɛ yango ebimiselaki bango.​—2 Bakorinti 1:3, 4.