Mokolo ya 13/07/2019, mopɛpɛ moko makasi ebɛtaki engumba Louisiane mpe na nsima mopɛpɛ yango ebongwanaki mopɛpɛ makasi oyo babengi Barry. Mopɛpɛ yango ya makasi ebebisaki bandako, esalaki ete mai etonda na bisika mingi mpe kura ekatanaki na etúká ya Alabama, ya Louisiane, mpe ya Mississippi.

Ata bongo ndeko ata moko te azokaki to akufaki na mopɛpɛ yango, kasi bandeko 123 balongwaki na bandako na bango mpo na kokende kofanda na bisika mosusu. Lisusu, mopɛpɛ yango ebebisaki bandako 97 ya bandeko na biso, mpe Bandako ya Bokonzi 5.

Bakɛngɛli ya zongazonga mpe bankulutu ya bisika yango bazali kolendisa bandeko oyo bakutani na likama yango. Lisusu, bandeko oyo bazali na masangá mosusu ya zingazinga bazali kopesa bandeko yango mai, bilei to bisika ya kofanda. Bandeko ya bisika yango bandimi kobongisa bandako oyo ebebaki.

Tokokoba kobondela mpo na bandeko na biso ya Sudi ya États-Unis oyo bakutanaki na makama ya mopɛpɛ makasi babengi Barry mpe kosalisa bango bákoba koyika mpiko.​—Masese 18:10.