Mopɛpɛ makasi oyo babengi Tornade ebebisaki bitúká mosusu ya Alabama, Floride, mpe Géorgie, na mokolo ya 03/03/2019. Bato 23 bakufaki mpe bato mingi bazokaki makasi.

Filiale ya États-Unis elobi ete ata ndeko na biso moko te akufaki na likama yango. Kasi, na Fort Valley, na Géorgie, ndeko mwasi moko azokaki ntango mopɛpɛ yango ebebisaki ndako na ye. Sikoyo, azali na lopitalo, epai azali kozwa lisalisi ya monganga. Longola yango, filiale elobi ete bandako ya bandeko na biso 6 ebebaki mpe 4 ebukanaki mpenza. Basɛngaki bakɛngɛli ya zongazonga bábongisa komite ya kopesa lisungi. Na lisalisi na bango, bandeko bapesaki baoyo bakutanaki na likama yango bilei, bisika ya kolala mpe bilamba. Bankulutu ya mboka yango mpe basalisaki bandeko yango na elimo.

Tozali kobondela ete bandeko na biso oyo bakutani na likama yango bálendisama na mokapo ya mobu 2019, “Komitungisa te, mpo nazali Nzambe na yo.”​—Yisaya 41:10.