23/08/2019
ÉTATS-UNIS
St. Louis, États-Unis—Liyangani oyo esangisaka mikili mingi ya Batatoli ya Yehova 2019 “Bolingo esilaka soki moke te”!
Dati: 16-18/08/2019
Esika: The Dome at America’s Center na St. Louis, Missouri, États-Unis
Programɛ esalemaki na minɔkɔ oyo: Anglais, Croate
Motángo eleki monene: 28 122
Bato oyo bazwaki batisimo: 224
Bandeko oyo bautaki na mikili ndenge na ndenge: 5 000
Bafiliale oyo ebengisamaki: Afrika ya Sudi, Argentine, Australasie, Bretagne, Canada, Europe Centrale, Colombie, Croatie, Tchèque-Slovaquie, Finlande, France, Japon, Philippines, Pologne, Portugal, Scandinavie, Serbie
Makambo ya malamu oyo ebendaki likebi ya bato: Martin Gulley, molobeli ya kompanyi ya mobembo Metrolink, alobaki boye: “Okoki koloba ete olingaka moto moko boye. Okoki koloba ete olingaka eloko moko boye. Kasi tii mokolo oyo okomonisa yango na misala, wana ezali mpenza bolingo te. Bino Batatoli ya Yehova bomonisaka bolingo na misala. Bomikitisaka na oyo bosalaka, mpe bolingo esalaka ete bómikitisa. Nayebani lokola mosali ya kompanyi Metrolink na makarɔ oyo. Kasi yo oyebani lokola Motatoli ya Yehova na bolingo oyo omonisaka.”
Jerry Vallely, molobeli ya kompanyi Bi-State Development (kompanyi moko oyo esalaka ete nkita ya etúká St. Louis emata), abakisi boye: “Bokanisaka kaka te ndenge ya kobongisa makambo. Bokanisaka mpenza nde bato oyo bakozwa matomba na mosala oyo bozali kosala; ezala ezali baninga oyo bazali kouta na engumba to na mboka oyo bozali kotambola elongo, to ezala biso awa na Metrolink. Bozali kokanisa mpo na makambo nyonso oyo etali moto nyonso oyo bosalaka elongo mpe kosala nyonso oyo bokoki mpo na kosala ete makambo ezala malamu to malamu koleka.”
Bandeko basi mpe mibali bazali kozela na libándá ya mpɛpɔ ya International St. Louis Lambert mpo na koyamba bandeko oyo bauti na mikili mingi
Bandeko oyo bauti na mikili mingi bazali kopesa litatoli na bisika ya bato nyonso elongo na bandeko ya mboka na St. Louis
Bandeko basi mpe mibali bazali kopɛtola esika ya liyangani oyo babengi “The Dome,” liboso liyangani ebanda
Bato misato kati ya bato 224 ya sika bazali kozwa batisimo
Ndeko David Splane, ya Lisangani ya Mikóló-Bakambi, azali kosala diskur ya nsuka na mokolo ya misato ya liyangani ya etúká
Bandeko oyo bauti na mikili mingi bazali kosɛka na esengo wana bazali kolanda liyangani
Na mokolo ya lomingo, bandeko oyo bamipesá kaka na mosala ya ntango nyonso oyo bauti na mikili mingi bazali kopepa mabɔkɔ mpo na kopesa bayangani mbote ya bokabwani
Bandeko oyo bauti na mikili mingi ná bandeko ya mboka yango batɛlɛmi mpo na kokanga fɔtɔ
Bandeko oyo bauti na mikili mingi bazali kosepela komona mwa banyama na Zoo ya Saint Louis
Bandeko oyo bauti na mikili mingi bazali kotala Biblia moko ya kala mpenza, oyo ezalaki libongoli ya liboso ya mobu 1611 ya King James Version—efungwami na Nzembo 83:18, na Bibliothèque publique ya St. Louis. Bibliothèque yango ebongisaki ete Biblia yango efungwama na lokasa yango mingimingi mpo na bandeko oyo bauti na mikili mingi bámona yango
Bilenge basi mpe mibali bazali koyemba na mwa bokutani na mpokwa
Talá mpe...
OLINGI KOYEBA BISO?
Yanganá na liyangani ya etúká ya 2024—‘Sakolá nsango malamu!’
Tozali na esengo ya kobengisa yo na liyangani ya etúká ya mbula oyo ya Batatoli ya Yehova ya mikolo misato ya mbula.
