Na mokolo ya 30/12/2018, mabele eninganaki mpenza makasi pene na Anchorage, na ekólo Alaska. Atako moto moko te azwaki likama na koningana ya mabele yango, ebebisaki babalabala makasi ndenge bansango epesamaki na radio to na televizyo.

Lapolo ya filiale ya États-Unis emonisi ete basakoli nsambo bazokaki mwa moke mpo na koningana ya mabela yango. Bandako 16 ya bandeko mpe Ndako ya Bokonzi mibale ebebaki. Na lisalisi ya bakɛngɛli ya zongazonga, baoyo bazali na bosɛnga bazwaki bilei, bilamba mpe bisika ya kolala. Longola yango, bankulutu ya masangá yango balendisaki na elimo baoyo nyonso bakutanaki na makama.

Tozali kokoba kobondela mpo na bandeko na biso oyo bakutanaki na makama mpo na koningana ya mabele. Tozali na elikya ete Yehova akolendisa mpe akokómisa basaleli na ye makasi lokola bazali kokoba kotyela ye motema.​—Nzembo 28:8, 9.