NEW YORK​—Bato oyo bafandaka na Texas, (États-Unis) bazali mokemoke kozongela makasi nsima ya mopɛpɛ makasi Harvey oyo ebɛtaki kuna na mokolo ya 25/08/2017 mpe ebebisaki mabele oyo ezali mosika te na engumba Corpus Chiristi. Komite mibale ya kopesa lisungi ezali kokamba misala ya kosunga ebele ya Batatoli ya Yehova oyo bazwaki likama na mopɛpɛ yango.

Bavolontɛrɛ koleka 7 000 bapesaki mabɔkɔ na misala ya kotya bopɛto na bandako 2 300 ya bandeko. Mpo na sikoyo, bavolontɛrɛ soki 1 000 bazali pɔsɔ na pɔsɔ kopesa mabɔkɔ na misala ya botongi. Basí basilisi kobongisa Bandako ya Bokonzi 48 mpe na basanza oyo ekoya, bakobongisa bandako 545 ya bandeko. Kaka na etúká yango, misala ya kopesa lisungi ekosɛnga mosolo ya dolare milio mwambe na ndambo mpe ekosila mokolo ya 30/06/2018.

Kobanda nsuka ya sanza ya 08/2017, bamonisi ya Biro monene ya Batatoli ya Yehova, na kati na bango bandeko 7 ya komite ya filiale bakendaki bisika oyo mopɛpɛ ebɛtaki mpo na kolendisa bandeko oyo bazwaki likama. Tozali kobondela Yehova apesa mpiko epai ya baoyo nyonso bazali kopesa mabɔkɔ na misala ya kopesa lisungi.​—Nehemia 6:9.

Moto oyo bapanzi-nsango bakoki kobenga:

David A. Semonian, biro ya kozwa bansango, +1-845-524-3000