Na mokolo ya lomingo mwa 10/03/2019, mpɛpɔ nimero 302 ya Ethiopian Airlines epanzanaki na Addis Abeba, mboka-mokonzi ya Éthiopie kaka mwa moke nsima ya komata na yango. Bato nyonso 157 oyo bamataki na mpɛpɔ yango bakufaki.

Likambo ya mawa, ndeko na biso moko ya mwasi, Rosemary Mumbi, azalaki kati ya bato oyo bakufaki na likama yango. Ndeko Mumbi azalaki na mbula 66 mpe azalaki kolekisa bangonga mingi na mosala ya kosakola na lisangá ya Roma Manzoni Inglese na Rome, Italie.

Tozali na mawa mingi ndenge ndeko na biso akufaki na liwa ya nsɔmɔ. Tozali kozela na mposa makasi ntango tokoyamba basaleli nyonso ya sembo ya Yehova bakosekwa, ata mpe ndeko Mumbi.​—Emoniseli 20:13.