08/08/2019
FRANCE
Paris, France—Liyangani oyo esangisaka mikili mingi ya Batatoli ya Yehova 2019 “Bolingo esilaka soki moke te”!
Dati: 02-04/08/2019
Esika: Parc des Expositions de Paris-Nord Villepinte na Paris, France
Programɛ esalemaki na minɔkɔ oyo: Allemand, Anglais, Espagnol, Français, Roumain, Russe
Motángo eleki monene: 37 809
Bato oyo bazwaki batisimo: 265
Bandeko oyo bautaki na mikili ndenge na ndenge: 5 500
Bafiliale oyo ebengisamaki: Canada, Chili, Côte dʹIvoire, Équateur, États-Unis, Europe Centrale, Grande-Bretagne, Grèce, Kazakhstan, Moldavie, Nouvelle Calédonie, Tahiti, Zambie
Makambo ya malamu oyo ebendaki likebi ya bato: Mokonzi moko ya esika oyo liyangani esalamaki, amonaki ndenge mituka ekangaki balabala, alobaki boye: “Bosilikaka ata moke te? Ntango Batatoli ya Yehova bazalaki koya na liyangani na bango na mituka, moto moko te asalaki mobulu, moto moko te asilikaki, mpe moto moko te alongwaki na milɔngɔ.”
Moto moko oyo asalaka na otɛlɛ epai bandeko oyo bauti na mikili ndenge na ndenge bazalaki, alobaki boye: “Namoná mangomba ndenge na ndenge, kasi lisangá na bino ezali malamu mingi. Bato nyonso bazali na bilongi ya esengo mpe ezali komonana ete bazali na kimya mpenza!”
Bandeko ya France bazali koyamba bandeko oyo bauti na mikili ndenge na ndenge na libándá ya mpɛpɔ na Paris
Bandeko basi mpe mibale bazali kopesa litatoli na bisika ya bato mingi; Tour Eiffel ezali na nsima
Bandeko basi mpe mibali basangani na libándá ya esika oyo liyangani ezali kosalema
Mobali moko ná mwasi na ye bazali kozwa batisimo na mokolo ya pɔsɔ
Bandeko ya Tahiti balati bilamba ya mboka na bango bazali kolanda programɛ ya liyangani
Ndeko Anthony Morris, ya Lisangani ya Mikóló-Bakambi azali kosala diskur ya nsuka na mokolo ya pɔsɔ
Bazali kolakisa bandeko oyo bamipesá kaka na mosala ya ntango nyonso oyo bayaki na liyangani na ekra, ntango bazali kopepa mabɔkɔ mpo na kopesa bayangani mbote ya bokabwani na nsuka ya programɛ na mokolo ya lomingo
Ndeko mobali moko azali komonisa ndenge basalaka bagato na France na mokolo oyo babengisaki bato báya kotala Betele
Talá mpe...
OLINGI KOYEBA BISO?
Yanganá na liyangani ya etúká ya 2024—‘Sakolá nsango malamu!’
Tozali na esengo ya kobengisa yo na liyangani ya etúká ya mbula oyo ya Batatoli ya Yehova ya mikolo misato ya mbula.
