Na mokolo ya lomingo, 21/06/2020, babimisaki Biblia​—Libongoli ya Mokili ya Sika oyo babongisi lisusu na monɔkɔ ya Géorgien na likita moko oyo esalemaki na nzela ya video. Ndeko Geoffrey Jackson, ya Lisangani ya Mikóló-Bakambi, abimisaki Biblia yango na diskur oyo bakɔtisaki na video. Bato 19 521 balandaki programɛ yango. Lokola Biblia yango ekoki kotángama na aparɛyi, batyaki yango mbala moko na jw.org mpo na baoyo balingi kozwa yango.

Bandeko oyo babongolaki Biblia yango basalaki mosala yango mbula 4. Moko ya babongoli alobaki boye: “Lokola ekomami na elobeli ya pɛtɛɛ, ekosala ete moto nyonso, ezala mokóló to mwana, akanga ntina ya Biblia, nazali na elikya ete mabota bakosepela koyekola yango elongo.”

Mobongoli mosusu alobi boye: “Mokano na biso ezalaki ete moto nyonso oyo akotánga yango akanga ntina na yango na pɛtɛɛ mpenza, ezala atánga kelasi mingi to te.”

Tozali na elikya ete bato nyonso oyo bakosalela Biblia oyo, oyo ekomami na bosikisiki mpe polele, bakosepela mingi mpe bakopesa Yehova matɔndi mpo na bolingo na ye.​—Yakobo 1:17.