Na mokolo ya 22/01/2020, bakambi ya eteyelo moko na Indonésie bayebisaki bilenge mibale, Daniel Hutabarat ná Wilhinson Sihotang oyo bazali Batatoli ya Yehova ete bázonga mbala moko na kelasi. Na mokolo ya 29/11/2019, babenganaki bango na kelasi mpo baboyaki kopesa bɛndɛlɛ losako mpe koyemba loyembo ya ekólo, mpamba te lisosoli na bango oyo eteyami na Biblia epekisaki bango kosala bongo. Na mokolo ya 23/01/2020, bazongisaki bango na kelasi.

Nsima ya kotalela likambo na bango, bakambi bamonaki ete bandeko na biso batosaki bakambi ya eteyelo mpe bakonzi ya Leta. Kasi baboyaki nde kosala likambo oyo eyokani te na makambo oyo bayekolaki na Biblia. Ndeko Yoga Sulistiono, oyo akambaka makambo ya bansango na Betele ya Indonésie, alobi boye: “Batatoli ya Yehova na Indonésie basepeli mingi na ndenge bakonzi bazwi ekateli ya malamu mpe bazali kopesa bakonzi yango matɔndi mpo bamonisi limemya na bonsomi na biso ya losambo.”

Na nyonso, tozali kopesa Yehova, Molakisi na biso Monene, matɔndi mpo na ekateli wana ya malamu​—Yisaya 30:20.