Na nsuka ya sanza ya nsambo mpe ebandeli ya sanza ya mwambe, mabele eninganaki mbala na mbala na esanga Lombok na Indonésie. Bato soki 436 bakufaki mpe bato mosusu 350 000 balongwaki na bandako na bango. Mabele eninganaki makasi na esika moko na boye ete bandako mingi ebukanaki mpe biloko oyo yango ebebisaki ezali na valɛrɛ ya bankama ya bamilio ya mosolo ya dolare.

Balapolo oyo euti na biro ya filiale na Jakarta emonisi ete atako bandako mosusu ya Batatoli ya Yehova ebebaki makasi, Motatoli ya Yehova moko te azokaki to akufaki. Ndako ya Bokonzi kaka moko epai Batatoli ya Yehova 40 bayanganaka na esanga yango ebebaki mpe. Bamonisi mibale ya biro ya filiale bakendaki esika likama yango esalamaki mpo na koyeba lisungi nini esengeli kopesa mpe mpo na kolendisa bandeko oyo bazwi likama.

Tozali kobondela mpo na bandeko na biso oyo bazali kolekisa ntango ya mpasi, mpo tondimi mpenza ete Yehova azali na likoki ya ‘kobɔndisa bango na bolɔzi na bango nyonso.’​—2 Bakorinti 1:4.