03/04/2020
BANSANGO YA MIKILI NYONSO
Ekaniseli ya liwa ya Kristo oyo ekeseni na mosusu nyonso
Masangá mingi bakosalela video na ntango oyo ya maladi mabe
Na mbula oyo, na mokolo ya mibale, mwa 07/04/2020, bamilio ya Batatoli ya Yehova ná bato oyo basepelaka na mateya ya Biblia bakokutana mpo na kosala Ekaniseli ya liwa ya Kristo. Nzokande, na mbula oyo, mpo na maladi ya coronavirus (COVID-19), Ekaniseli ekokesana na mosusu nyonso. Bato ebele na mokili mobimba bakosala yango na nzela ya video.
Mpo na maladi ya coronavirus, bakonzi ya Leta na bamboka mingi baboyi bato ebele báyangana esika moko. Yango wana, na mokili mobimba, masangá mingi bazali kolanda makita pɔsɔ na pɔsɔ na nzela ya video. Masangá yango ekosala mpe Ekaniseli na bango kaka na nzela ya video. Video moko mpo na molulu yango oyo ebongisami liboso ekotyama na jw.org mpo na bato nyonso.
Na mbula oyo eleki, bato koleka milio 20 bayanganaki na Ekaniseli. Tozali na elikya ete bato ebele bakolanda Ekaniseli na nzela ya video, na telefone, to bakotala video oyo batye na jw.org.
Na mikili mingi, maladi mabe yango ezali kopalangana mpe ezali koboma bato mingi. Mpo na kobatela bandeko na biso, tosengeli mpenza kolanda malako tii maladi mabe yango ekosila. Yango wana tondimi na motema moko ete Yehova akosalisa biso mpe tozali na ekateli ya kotosa etinda ya Yesu oyo elobi: “Bókoba kosala boye mpo na kokanisa ngai.”—Luka 22:19.
Talá mpe...
BIYANO NA MITUNA YA BIBLIA
Ndenge nini mbeka ya Yesu ezali ‘lisiko mpo na bato mingi’?
Ndenge nini lisiko elongolaka bato na lisumu?
MITUNA OYO BATO BATUNAKA MINGI
Mpo na nini Batatoli ya Yehova basalaka elambo ya Nkolo ndenge moko te na mangomba mosusu?
Babengaka yango mpe Elambo ya Mpokwa to Ekaniseli ya liwa ya Kristo, ezali molulu oyo eleki ntina mpo na Batatoli ya Yehova. Talá oyo Biblia elobi mpo na molulu yango.
OLINGI KOYEBA BISO?
Ekaniseli ya liwa ya Yesu
Mbula na mbula, bamilio ya bato bayanganaka mpo na kokanisa liwa ya Yesu. Tobengi yo oya mpo oyeba ndenge molulu yango ya ntina mingi etali mpe yo.