Lisangani ya Mikóló-Bakambi ya Batatoli ya Yehova epesaki liyebisi ete bakopona bafiliale epai bandeko bakozongela kosala makita ya lisangá na Ndako ya Bokonzi. Bafiliale oyo ekoponama ekopona Bandako ya Bokonzi epai bato mingi bazwi vaccin mpe epai bato bazali kobɛla mingi te coronavirus. Na ntembe te, makambo nyonso ya ebongiseli oyo ekosalema na kolanda malako ya bakonzi ya Leta na oyo etali koyangana esika moko na bisika tofandi. Liyebisi yango eyebisamaki na Babetele na mokili mobimba na mokolo ya mitano, mwa 15/10/2021.

Makambo oyo ekomonana nsima ya ebongiseli oyo nde ekomonisa soki bakoki kondima kobakisa masangá mosusu mpo bandeko bázongela kosala makita na Ndako ya Bokonzi. Liyebisi yango emonisaki mpe ete bandeko mosusu bakozela naino tii na sanza ya 01/2022.

Tozali kopesa Lisangani ya Mikóló-Bakambi matɔndi mingi ndenge ezali komibanzabanza mpo na bandeko na mokili mobimba mpe ndenge ezali mokemoke kozongisa misala mosusu ya ebongiseli ya Yehova. Tosɛngi na bino bóbondela Yehova mpo akoba kotambwisa mpe kopambola bibongiseli oyo ezwami.​—Masese 14:16.