Bisanga ya Nusa Tenggara na Ɛsti ya Indonésie mpe Timor-Oriental

• Na mokolo ya 04/04/2021, mopɛpɛ babengi Seroja ebebisaki biloko mingi mpe ememaki biloko mosusu

• Bandeko soki 236 balongwaki na bandako na bango

Indonésie

• Bandako 45 ya bandeko na biso ebebaki mwa moke

• Bandako 8 ya bandeko ebebaki makasi

• Bandako ya Bokonzi 3 ebebaki mwa moke

Timor-Oriental

• Bandako 19 ya bandeko na biso ebebaki mwa moke

• Bandako 10 ya bandeko ebebaki makasi

• Na Indonésie, Komite ya kopesa lisungi etyamaki mpo na kosunga bandeko. Komite yango ebongisamaki mpo na kobongisa Bandako ya Bokonzi oyo ebebaki mpe bandako oyo ebebaki makasi

• Bakɛngɛli ya zongazonga bazali kosunga na elimo mpe kobɔndisa bandeko oyo bakutani na makama

• Kaka nsima ya kobɛta ya mopɛpɛ yango, bankulutu balukaki bisika ya kofanda mpo na bandeko oyo balongwaki na bandako na bango. Bankulutu bamibongisaki mpe mpo na kopesa bandeko bilei, mai mpe biloko mosusu oyo basengeli na yango. Basalisaki mpe mpo na kobongisa bandako oyo ebebaki

• Na Timor-Oriental, bankulutu babandaki mpe kobongisa bandako oyo ebebaki mpe kopesa bandeko bilei mpe biloko mosusu oyo bandeko basengeli na yango. Bankulutu bazwaki mpe bibongiseli mpo na koluka bisika ya kofanda mpo na bandeko oyo bandako na bango ebebaki

• Bakomite yango nyonso ezali kosala na boyokani na malako etali komibatela na maladi mabe ya COVID-19

Tozali na botɔndi mingi mpo na lisalisi oyo Yehova azali kopesa na nzela ya “mosala” ya kopesa lisungi na lisangá ya bokristo.​—2 Bakorinti 9:13.