Na mokolo ya mercredi 24/01/2018, bayebisaki bandeko ya Betele ya États-Unis mpe ya Canada ete ndeko Kenneth Cook akómi moko ya bandeko ya Lisangani ya Mikóló-Bakambi ya Batatoli ya Yehova. Liboso ndeko Kenneth azwa mokumba yango, azalaki mosungi na Komite ya Bokomi.

Ndeko Cook abandaki mosala ya mobongisi-nzela na mokolo ya 1/09/1982, mpe akómaki mosangani ya Betele ya États-Unis na mokolo ya 12/10/1984. Lisangani ya Mikóló-Bakambi ekómi sikoyo na bandeko mwambe oyo batyami mafuta na elimo.

Biso nyonso tozali kobondela Yehova ete akoba kopambola Lisangani ya Mikóló-Bakambi na mokumba na yango ya kotambwisa misala ya Batatoli ya Yehova na mokili mobimba.​—1 Batesaloniki 5:12, 13

Bato oyo bapanzi-nsango bakoki kobenga:

Mpo na mokili mobimba: David A. Semonian, Biro ya kozwa bansango, +1-845-524-3000