NEW YORK. Batatoli ya Yehova bakobengisa ebele ya bato báya na milulu ya minene oyo bakosala na 2017.

Na mokolo ya 11/04/2017, Batatoli ya Yehova na mokili mobimba bakoyamba ebele ya bato na molulu ya bilei ya mpokwa ya Nkolo oyo esalemaka mbula na mbula, oyo ebengamaka mpe Ekaniseli ya liwa ya Kristo. Bazali kosala kampanye moko monene, oyo ebandaki na mokolo ya 18/03/2017, mpe ekosuka na mokolo ya 11/04/2017, bazali kopesa bato ebele lokasa ya libyangi oyo emonisi esika mpe ngonga oyo molulu yango ekosalema. Batatoli Yehova batalelaka yango lokola molulu oyo eleki ntina na mbula.

Nsima ya kosala Ekaniseli, Batatoli bakobengisa lisusu ebele ya bato báya kolanda diskur ya miniti 30 oyo motó ya likambo elobi: “Ndenge ya kozala na kimya na mokili ya nkandankanda.” Ekozala motó ya likambo ya diskur oyo ekosalema na mokolo ya 15 mpe 16/04/2017 na Bandako ya Bokonzi ya Batatoli ya Yehova na mokili mobimba.

Kobanda na mokolo ya 19/05/2017, Batatoli ya Yehova bakobanda liyangani na bango oyo esalemaka mikolo misato mbula na mbula, oyo ezali na motó ya likambo: “Kotika te!” Liyangani yango ekobanda naino na États-Unis mpe ekokoba na bisika ndenge na ndenge na mokili mobimba tii na ebandeli ya 2018. Na liyangani nyonso, Batatoli bakosala kampanye ya pɔsɔ misato mpo na kobengisa ebele ya bato báya koyangana na programɛ yango.

Milulu wana nyonso, ezala mpe makita ya Batatoli ya Yehova, kokɔta ezalaka ofele. Bapanzi-nsango oyo balingi ete milulu yango eleka na shɛni na bango bakoki kobenga biro ya filiale ya Batatoli ya Yehova ya mboka na bango.

Moto oyo bapanzi-nsango bakoki kobenga:

Mpo na mokili mobimba: David Semonian, Biro ya kozwa bansango, +1-845-524-3000