Bambula ya makasi ezindisaki bitúká ya centre mpe ya sudi ya Nigéria. Ebale Bénoué mpe Niger, bibale mibale ya minene ya ekólo yango etondaki makasi mpe mai na yango ekɔtelaki bato mpe esalaki ete ebele ya bato básundola bandako na bango. Kotonda ya mai yango ebomaki bato koleka 100.

Balapolo ya liboso emonisi ete ata Motatoli ya Yehova moko te akufaki to azokaki na likama yango. Kasi basakoli koleka 2 000 basundolaki bandako na bango mpe 1 000 kati na bango bazali kozela lisungi. Mingi ya basakoli yango nyonso bakei kofanda na bandako ya bandeko oyo bazali na bisika oyo likama yango ekómaki te.

Komite ya kopesa lisungi esalemaki mpo na kobongisa misala ya kosunga mpe kobɔndisa bandeko oyo bazwi likama. Bandeko mibale ya komite ya filiale ya Nigéria mpe mokɛngɛli ya zongazonga ná bandeko ya departema ya kosala baplan mpe kotonga na ekólo yango, bakendaki kotala bandeko oyo bazwaki likama mpo na kosalisa bango.

Atako mikakatano oyo likama yango ememi, Tata na biso ya likoló, Yehova, azali kaka “ndako na bango ya makasi na ntango ya mpasi.”​—Nzembo 37:39.