Batatoli ya Yehova bazali kokoba kosunga bandeko na bango mpe bato mosusu oyo babikaki na mpela oyo ebebisaki engumba Boma, na République Démocratique du Congo, mokolo ya 26/12/2016. Engumba yango ezali na kilomɛtrɛ soki 470 na sudi-wɛsti ya Kinshasa.

Mabota 39 ya Batatoli ya Yehova ekwelaki likama yango, mpe Motatoli moko akufaki. Longola yango, bandako mitano ya Batatoli ebebaki makasi, mpe mitano mosusu ebebaki makasi te.

Biro ya filiale ya Batatoli ya Yehova ya Congo etindelaki Batatoli oyo babikaki na wɛsti ya mboka, bilei mpe bilamba mpo na kopesa bango lisungi ya nokinoki. Batatoli oyo bafandaka na engumba Matadi mpe Muanda, oyo ezali na ntaka ya kilomɛtrɛ 80 longwa na Boma, bamipesaki na bolingo na bango moko mpo na kosunga bandeko na bango.

Mpo na kotambwisa mosala ya kosunga bandeko ya Congo, Lisangani ya Mikóló-Bakambi ya Batatoli ya Yehova oyo ezali na biro monene na Warwick, New York, ezali kosalela mbongo ya makabo oyo epesamaka mpo na kosunga mosala ya kosakola na mokili mobimba.

Moto oyo bapanzi-nsango bakoki kobenga:

Mpo na mokili mobimba: David Semonian, Biro ya kozwa bansango, +1-845-524-3000

République Démocratique du Congo: Robert Elongo, +243-81-555-1000