Na mokolo ya minei, 09/06/2020, tribinale ya engumba Pskov elobaki ete ndeko Gennady Shpakovskiy oyo azali na mbula 61 asalaki likambo moko ya mabe mpenza mpe bakatelaki ye mbula motoba na ndambo na bolɔkɔ. Bamemaki ye mbala moko longwa na tribinale tii na bolɔkɔ. Oyo ezali ekateli eleki monene koleka bikateli oyo bakatelaka bandeko na biso na Russie kobanda 2017, ntango tribinale ya Russie elobaki ete Batatoli ya Yehova bazali bato mabe. Ndeko Shpakovskiy akomema likambo yango na tribinale.