Mokolo ya 31/08/2020, a na tribinale ya engumba ya Berezovsky na etúká ya Kemerovo

Mbula mibale ya bolɔkɔ

Khasan Kogut

• Abotamá na: 1983 (Na engumba Shahrisabz, Na Uzbekistan)

• Makambo etali bomoi na ye: Abandaki kosepela na mateya ya Biblia na bambula 1995. Akendaki kofanda na Russie na 2004 mpe akómaki mwana-mboka ya ekólo Russie. Abalanaki na Yekaterina na 2010. Mwana na bango ya mobali, Timofey, abotamaki na 2012

Na sanza ya 07/2018, bapolisi bakendaki kolukaluka na bandako 8 ya Batatoli ya Yehova mpe babɔtɔlaki baaparɛyi na bango nyonso. Basanza mingi na nsima, biro ya polisi ebengaki ndeko Kogut ná mwasi na ye mpo na kozwa biloko oyo babɔtɔlaki bango. Ntango bakómaki na biro ya polisi mokolo ya 06/02/2019, bapolisi bayebisaki ndeko Kogut atikala. Bafundaki ye ete apesaka mabɔkɔ na misala ya “bato oyo balekisaka ndelo,” mpo kaka azalaki kosala makambo ya losambo.

Nsima ya kokangama na biro ya polisi mikolo mibale, batyaki ndeko Kogut na ndako oyo bazali kokɛngɛla. Na ndako yango alekisaki mikolo 200 liboso bábimisa ye na sanza ya 08/2019. Etumbu na ye ya bolɔkɔ abandaki mwa bapɔsɔ na nsima.

Wana libota ya ndeko Kogut ezali kozela ekateli ya tribinale, toyebi ete bakobwakela Yehova mitungisi na bango nyonso, mpe bazali na kondima ete akobɔndisa bango mpe akotyela bango likebi.​—1 Petro 5:7.