Na mokolo ya 23/10/2020, tribinale ya etúká ya Oktiabrski, na engumba Kirov ekweisaki ndeko Anatoliy Tokarev na likambo mpe ekatelaki ye lomande ya dolare 6 552. Ndeko Anatoliy atikali na mikolo zomi mpo na kosɛnga ete bátalela lisusu likambo na ye.

Na maloba na ye ya nsuka na tribinale, ndeko Tokarev alobaki na mpiko nyonso boye: “Ntango bazalaki kosambisa ngai, ezalaki lokola bapolisi bazalaki koyebisa ngai boye: ‘Osengeli kowangana kondima na yo . . . soki te makambo ekokómela yo ndongo.’ . . . Kasi nalobaki boye: Kaka ndenge nalobaki na ebandeli, nakoki te kowangana Nzambe. . . . Ya solo, lokola Motatoli ya Yehova nyonso, nazali kobanga ete bátinda ngai na bolɔkɔ to nakokufa, mpe ndenge nayebani lokola moto mabe ebebisi mpenza lokumu na ngai na miso ya bato na ndenge moko ya kosakana te. Ata bongo, nakoki te kowangana Nzambe mpo aboya ngai.”