Na mokolo ya 3/08/2018, nsima ya kolekisa mikolo 78 na bolɔkɔ, ndeko Vladmir Kotchnev mpe ndeko Aleksandar Souvorov babimaki na bolɔkɔ mpo na ekateli oyo zuzi Inna Yangubayeva ya tribinale ya Orenbourg na etúká Leninsky azwaki kasi balobaki ete basoda bakokɛngɛla bandako na bango. Kaka na mokolo yango, na tribinale ya etúká ya Magadan, ndeko Konstantin Petrov mpe abimaki na bolɔkɔ nsima ya kosala mikolo 64 mpe azongaki na ndako atako balobaki basoda bakokɛngɛla ndako na ye. Kasi mikakatano na bango esuki te mpo bakweisaki bango na likambo, bakoki kokatela bango etumbu ya bolɔkɔ ya mbula tii zomi.

Na mokolo ya 16/08/2018, ezali na Batatoli ya Yehova libwa oyo bafandi na bandako oyo basoda bazali kokɛngɛla mpe Batatoli ya Yehova mosusu 25 bakɔtisaki bango bolɔkɔ na bitúká mingi ya Russie. Bandeko mosusu 30 basɛngaki bango bátya sinyatire na mokanda moko oyo epekisaki bango kobima libándá ya engumba oyo bafandi kozanga ndingisa ya bakonzi ya Leta. Tozali kokoba kobondela mpo na bandeko na biso ya Russie, oyo bazali kokutana na makambo ya mpasi mpenza.​—2 Bakorinti 1:11.