3/5/2018
RUSSIE
Batatoli ya Yehova balongi te na kosamba oyo basɛngaki, yango epesi bakonzi ya Russie lotomo ya kobɔtɔla bandako ya Biro ya misala na bango
Na mokolo ya 3/05/2018, Tribinale ya engumba Saint-Pétersbourg endimaki ekateli ya liboso oyo ezwamaki na sanza ya 12/2017, ekateli oyo epesi guvɛrnema ya Russie lotomo ya kobɔtɔla nokinoki bandako ya Biro ya misala na biso oyo ezali na Solnechnoye.
Atako tokoki te kopekisa Leta ya Russie kobɔtɔla bandako yango, ekateli ya lelo ezali na kati ya likambo oyo tosɛngaki Tribinale monene ya Mpoto oyo etalelaka ntomo ya moto (CEDH) etalela mpe ezali kotalela dosye yango. CEDH eyebisaki guvɛrnema ya Russie ete dosye yango ezali na kati ya makambo ya libosoliboso oyo yango ezali kotalela.
Tozali kokoba kozela Yehova, Nzambe ya bosembo, asembola makambo na ntango oyo alingi.—Yisaya 30:18.
Talá mpe...
BANSANGO YA SIKA
Kampanye ya konyokola Batatoli ya Yehova ebandi na Russie
Lokola bakonzi ya Russie bakangi bibongiseli ya Batatoli ya Yehova oyo eyebani na Leta, bakómi sikoyo kolandela moto mokomoko mpe losambo na bango.
BANSANGO YA SIKA
Bakonzi ya Russie balingi kobɔtɔla biloko ya ebongiseli ya Batatoli ya Yehova
Tribinale ya engumba Saint-Pétersbourg elingi ebanda kosambisa likambo ya kobɔtɔla bandako ya biro ya kala ya misala ya Batatoli ya Yehova na Russie.