NEW YORK​—Na nsuka ya mokolo ya misato ya kosamba na tribinale monene ya Russie, tribinale etikaki kosambisa likambo yango mpe elobaki ete ekozongela kosambisa yango tii mokolo ya misato 12/04/2017 na ngonga ya 10:00. Na boumeli ya kosamba yango, Tribinale eyokaki makambo Batatoli ya Yehova minei balobaki. Bapesaki bilembeteli oyo ebongi mpenza oyo emonisaki ete likambo oyo Ministere ya Justice esɛngi ya kokanga Biro ya misala ya Batatoli ya Yehova mpe kopekisa mosala na bango ebongi te.

Zuzi atunaki Ministere ya Justice mituna ebele mpe asɛngaki elakisa bilembeteli oyo emonisi ete Batatoli ya Yehova balekisaka ndelo na makambo na bango ya losambo ata mpe na mikanda na bango. Ministere ya justice ezalaki ata na elembeteli moko te. Na tribinale, Vasiliy Kalin, momonisi ya Biro ya misala ya Batatoli ya Yehova na Russie, alobaki boye: “Nalingi koyebisa Ministere ya Justice ete likambo oyo yango esɛngi ete bápekisa lingomba ya Batatoli ya Yehova, ekotungisa bato mingi oyo balingaka na bango kaka kozala na bomoi ya kimya mpe ya esengo.”

Bato bapanzi-nsango bakoki kobenga:

Na mokili mobimba: David Semonian, Biro ya bansango, +1-845-524-3000

Russie: Yaroslav Sivulskiy, +7-911-087-8009