Mokolo ya 21/12/2018 ekozala mbala ya nsuka oyo bakosambisa ndeko Arkadya Akopyan. Ndeko Arkadya Akopyan oyo afandaka na République russe de Kabardino-Balkarie azali na mbula 70 mpe azwá pansiɔ na mosala ya kotonga bilamba. Esí esali mbula mobimba banda babandaki kosambisa ye na tribinale ya etúká ya Prohladniy. Bafundaki ye ete akabolaki mikanda oyo makambo na yango “elekisaka ndelo” mpe “atindaki bato báyina mangomba mosusu” ntango azalaki kosala diskur moko na Ndako ya Bokonzi.

Toyebi mpenza te soki zuzi akolobela ekateli oyo bazwi na mokolo ya 21/12/2018. Kasi, soki alongi te na kosamba yango, ndeko Akopyan akoki kofuta amande ya mbongo mingi to kosala mbula koleka minei na bolɔkɔ.

Longola ndeko Akopyan, ezali mpe na Batatoli ya Yehova mosusu kolela 100 na Russie oyo bafundi bango mpo na kondima na bango. Na yango, tozali kobondela ete bandeko na biso nyonso, ya basi mpe ya mibali oyo bazali kotikala ngwi na kondima bákoba kozwa kimya oyo kaka Nzambe nde akoki kopesa.​—Baefese 6:11-14, 23.