Na mokolo ya 27/12/2018, zuzi Oleg Golovashko ya tribinale ya etúká ya Prohladniy na Russie ayebisaki ekateli oyo tribinale ezwaki na likambo ya ndeko Arkadya Akopyan. Tribinale ekatelaki ndeko Akopyan oyo azali motongi bilamba oyo azwá pansiɔ mpe azali na mbula 70 etumbu ya bangonga 120 mpo asala mosala ya kosalisa bato. Tribinale ezwaki ekateli yango mpo elobaki ete ndeko Akopyan asɛngaki bato oyo bazali Batatoli ya Yehova te bákabola mikanda oyo makambo na yango elekisaka ndelo. Ekateli yango ezali na ntina moko te.

Atako ndeko Akopyan akɔtaki bolɔkɔ te, ekateli yango ebuki ntomo ya moto. Kasi akosɛnga tribinale ya likoló etalela ekateli ya tribinale yango.

Tozali na elikya ete na bapɔsɔ oyo ezali koya bakotalela mpe likambo ya Dennis Christensen. Tozali kobondela ete Yehova akoba kosunga mpe kobɔndisa bandeko na biso na Russie oyo bazali na bolɔkɔ mpo bazali kosalela ye.​—2 Batesaloniki 2:16, 17.