Na mokolo ya 22/02/2018, Zuzi Aleksey Rudnev, ya tribinale ya etúká ya Jeleznodorojny na Orel, alobaki Dennis Christensen atikala kaka na bolɔkɔ tii mokolo ya 1/08/2018. Christensen azali kosamba mpo abongisaki likita ya losambo oyo Leta etye na molɔngɔ ya baoyo balekisaka ndelo. Kutu, bakangaki ye na likita ya losambo oyo bapolisi bayaki kopanza yango na sanza ya 05/2017.

Basambisaki ye mpo na mbala ya liboso na mokolo ya 19/02/2018 mpe zuzi atyaki pembeni makambo oyo baavoka ya ngambo nyonso mibale bapesaki ye. Kasi ntango asambaki na mokolo ya 22/02/2018, zuzi yango aboyaki makambo nyonso oyo baavoka ya Christensen basɛngaki mpe aboyaki bábimisa Christensen na kasho. Akozongela lisusu kosamba na mokolo ya 26/02/2018 na ngonga ya 14:30.

Batatoli ya Yehova na mokili mobimba bazali komitungisa na likambo ya Christensen mpe bazali kobondela ete mwasi na ye Irina alɛmba nzoto te atako mobali na ye azali na ndako te. Esí esali sanza libwa bandá bakangá ye.