6 SANZA YA 4, 2017
RUSSIE
Tribinale monene ya Russie ezali kokoba kotalela likambo ya kopekisa lingomba ya Batatoli ya Yehova
Na mokolo ya mibale ya kosamba, Tribinale monene ya Russie ekobi kotalela likambo oyo Ministere ya Justice esɛngaki bákanga Biro ya Batatoli ya Yehova na ekólo Russie. Bakataki naino kosambisa likambo yango na nsima ya midi, bakozongela yango 7/04/2017 na ngonga ya 10:00.
David Semonian, molobeli ya Biro monene ya Batatoli ya Yehova na New York, alobi boye: “Ndenge oyo makambo eleki lelo emonisi ete Ministere ya Justice ezali na elembeteli moko te oyo endimisi makambo oyo yango efundi ebongiseli na biso.” Abakisaki boye: “Kasi tomoni mpe ete Ministere yango endimi lelo ete soki bapekisi lingomba ya Batatoli ya Yehova, bakoki kobanda kokanga bango soki bayangani ata mpo na kosambela. Tozali na elikya ete Tribinale ekoboya likambo wana ya kobebisa lotomo wana oyo moto nyonso azali na yango mpe ekosala makambo ndenge bosembo esɛngi.”
Bato oyo bapanzi-nsango bakoki kobenga:
Na mokili mobimba: David Semonian, Biro ya bansango, +1-845-524-3000
Russie: Yaroslav Sivulskiy, +7-812-702-2691
Talá mpe...
BANSANGO YA SIKA
Tribinale monene ya Russie ebandi kotalela likambo ya Batatoli ya Yehova oyo bapanzi-nsango bazali kolobela mingi
Mokolo ya kosamba epusanaki na 6/04/2017.
BANSANGO YA SIKA
Batatoli ya Yehova na mokili mobimba babongisi kampanye ya kokomela bakonzi ya Russie mikanda mpo bakani kopekisa mosala na bango
Lokola balingi kopekisa mosala na bango na Russie, Batatoli ya Yehova na mokili mobimba bapesi bandeko na bango ya Russie mabɔkɔ na nzela ya kampanye moko ya kokoma mikanda. Malako epesami mpo na baoyo balingi kopesa mabɔkɔ na kampanye yango.