Batatoli ya Yehova bazali Baprotesta?
Te. Biso Batatoli ya Yehova tozali bakristo, kasi tomimonaka te ete tozali Baprotesta. Mpo na nini?
Lingomba ya Protesta ezali “lingomba oyo etɛmɛlaka Lingomba ya Katolike.” Atako biso Batatoli ya Yehova tondimaka mateya ya Lingomba ya Katolike te, tomimonaka te ete tozali Baprotesta. Mpo na nini?
Mateya mingi ya Baprotesta eyokani te na oyo Biblia eteyaka mpenza. Na ndakisa, Biblia eteyaka ete “ezali na Nzambe kaka moko,” azali Bosato te. (1 Timote 2:5; Yoane 14:28) Elobi mpe polele ete etumbu oyo Nzambe apesaka bato mabe ezali liwa ya seko, kasi lifelo ya mɔtɔ te.—Nzembo 37:9; 2 Batesaloniki 1:9.
Totɛmɛlaka Lingomba ya Katolike to mangomba mosusu te, mpe tolukaka kobongisa yango te. Tosakolaka kaka nsango malamu ya Bokonzi ya Nzambe, mpe tolingaka kosalisa bato bándimela nsango yango. (Matai 24:14; 28:19, 20) Mposa na biso ezali ya kobongisa mangomba mosusu te; tolukaka nde koteya bato ya mitema sembo solo ya Nzambe mpe Liloba na ye Biblia.—Bakolose 1:9, 10; 2 Timote 2:24, 25.
Talá mpe...
MITUNA OYO BATO BATUNAKA MINGI
Batatoli ya Yehova bazali bakristo?
Talá ntina oyo tokeseni na mangomba mosusu oyo ebengamaka mangomba ya bokristo.
BIYANO NA MITUNA YA BIBLIA
Mpo na nini mangomba ya bokristo ezali ebele boye?
Yango nde Yesu mobandisi ya lingomba ya bokristo, alingaki?
BIYANO NA MITUNA YA BIBLIA
Mangomba nyonso ezali ndenge moko? Nyonso ememaka epai ya Nzambe?
Makambo mibale oyo Biblia elobeli epesi eyano.
MATEYA MPENZA YA BIBLIA
Nzambe andimaka mangomba nyonso?
Bato mingi bakanisaka ete ezala moto aponi kosambela na lingomba nini, yango ezali na ntina te.
