Batatoli ya Yehova bandimaka minganga básalisa bango?
Ɛɛ, Batatoli ya Yehova bandimaka makambo ya minganga, mpe bandimaka minganga básalisa bango. Tosalaka makasi tózala nzoto kolɔngɔnɔ, kasi ntango mosusu mpe tozalaka “na mposa ya monganga.” (Luka 5:31) Kutu, Luka, mokristo moko ya siɛklɛ ya liboso, azalaki monganga; lelo mpe Batatoli ya Yehova mosusu bazali minganga.—Bakolose 4:14.
Nzokande, ndenge mosusu oyo minganga basalisaka eyokani te na mitinda ya Biblia, mpe tondimaka yango te. Na ndakisa, tondimaka te bákɔtisa biso makila na nzoto mpo Biblia epekisi kozwa makila mpo na kosalisa nzoto. (Misala 15:20) Ndenge moko mpe, Biblia epekisi kosalisa nzoto epai ya banganga-nkisi to kozwa bankisi oyo ekokɔtisa moto na boyokani na bilimo mabe.—Bagalatia 5:19-21.
Kasi, minganga mingi basalelaka bankisi oyo ebuki ata mobeko moko te ya Biblia. Na yango, moto na moto aponaka minganga básalisa ye na ndenge oyo alingi. Motatoli mosusu akoki kondima nkisi to lisalisi moko boye ya monganga, nzokande Motatoli mosusu akoki koboya yango.—Bagalatia 6:5.
Talá mpe...
BIYANO NA MITUNA YA BIBLIA
Mokristo akoki kondima lisalisi ya monganga?
Likambo ya kopona lisalisi ya monganga etali mpe Nzambe?
MITUNA OYO BATO BATUNAKA MINGI
Mpo na nini Batatoli ya Yehova baboyaka bázongisa bango makila?
Ezali na makambo mingi ya lokuta oyo bato balobaka mpo na Batatoli ya Yehova mpe kozongisa makila. Talá makambo oyo biso tondimaka na likambo yango.
MITUNA OYO BATO BATUNAKA MINGI
Batatoli ya Yehova baboyaka kozwa vaccin?
Mitinda mibale ya Biblia esalisaka biso mpo tózwa bikateli malamu na oyo etali kozwa vaccin.
MPO NA KOBANDA LISOLO NA MOSALA YA KOSAKOLA
Biso Batatoli ya Yehova tozali banani?
Bato mingi balingaka koyeba soki Batatoli ya Yehova bazali banani. Luká koyeba biso mbala moko.
OLINGI KOYEBA BISO?
Sɛngá moto moko aya kotala yo
Kolobela motuna moko ya Biblia, to koyekola makambo mingi na ntina etali Batatoli ya Yehova.