Moto akoki mpenza koyeba bato oyo bakomaki Biblia?
Eyano ya Biblia
Bato mingi balobaka ete tokoki koyeba mpenza te banani bakomaki Biblia. Nzokande, mbala mingi, Biblia epesi nkombo ya bato oyo bakomaki yango. Biteni mosusu ya Biblia ebandi na maloba lokola “maloba ya Nehemia,” “emonaneli ya Yisaya,” mpe “liloba ya Yehova oyo eyelaki Yoele.”—Nehemia 1:1; Yisaya 1:1; Yoele 1:1.
Bato mingi oyo bakomaki Biblia bandimaki ete bazalaki kokoma na nkombo ya Yehova, Nzambe ya solo kaka moko, mpe ete ye nde atambwisaki bango. Basakoli oyo bakomaki Makomami ya Ebre bazongelaki mbala koleka 300 maloba oyo: “Talá oyo Yehova alobi.” (Amose 1:3; Mika 2:3; Nahumu 1:12) Bato mosusu oyo bakomaki Biblia bazwaki maloba ya Nzambe na nzela ya baanzelu.—Zekaria 1:7, 9.
Mibali soki 40 nde bakomaki Biblia na boumeli ya mbula koleka 1 600. Bamosusu kati na bango bakomaki mikanda ebele ya Biblia. Biblia ezali na mikanda ya mikemike 66. Mikanda 39 ya ebandeli ezali Makomami ya Ebre, oyo mbala mingi bato babengaka Kondimana ya Kala to Ancien Testament, mpe mikanda 27 oyo elandi ezali Makomami ya Grɛki ya bokristo, oyo mbala mingi bato babengaka Kondimana ya Sika to Nouveau Testament.
Talá mpe...
MATEYA MPENZA YA BIBLIA
Biblia ezali mokanda ya nani?
Soki bato nde bakomaki yango, ebongi mpenza ebengama Liloba ya Nzambe? Makanisi ya nani ezali na Biblia?
MATEYA MPENZA YA BIBLIA
Nini ekoki kondimisa biso ete Biblia elobaka solo?
Soki Biblia eutá na Nzambe, esengeli kokesana na buku mosusu nyonso oyo ekomamá.
BIYANO NA MITUNA YA BIBLIA
Biblia ezali nini?
Bandá mokolo na yo na nsango ya Nzambe oyo ebengami liloba ya Nzambe.
BIYANO NA MITUNA YA BIBLIA
Biblia ezali mpenza na makanisi ya Nzambe?
Bakomi mingi ya Biblia balobi ete bakomaki makambo ya Nzambe. Mpo na nini?
BIYANO NA MITUNA YA BIBLIA
Biblia ezali buku oyo etondi kaka na bwanya ya bato?
Talá oyo Biblia yango moko elobi.
MATEYA YA BIBLIA
Meká boyekoli na biso ya Biblia
Bandá boyekoli ya Biblia ofele mpe talá makambo oyo esengeli kosala.