Ndenge nini Biblia ekoki kosalisa ngai nazala na libota ya esengo?
Eyano ya Biblia
Biblia ekoki kosalisa yo ozala na libota ya esengo. Epesi batoli kitoko oyo esalisi bamilio ya basi ná mibali bákóma na libota ya esengo. Talá mwa batoli oyo:
Bókomisa libala na bino na buku ya Leta. Kolapa ndai ya libala liboso ya Leta ezali likambo ya ntina mpenza mpo na kobanda libala ya esengo.—Matai 19:4-6.
Bómoniselanaka bolingo mpe limemya. Yango elimboli kosalela molongani makambo ndenge okolinga ete asalela yo.—Matai 7:12; Baefese 5:25, 33.
Bólobanaka maloba ya mabe te. Lobáká na molongani na yo na boboto, ata soki alobi to asali likambo moko oyo epesi yo mpasi. (Baefese 4:31, 32) Ndenge Biblia emonisi yango na Masese 15:1, “eyano, ntango ezali ya boboto, elongolaka nkɛlɛ, kasi liloba oyo epesaka mpasi ematisaka nkanda.”
Bózala sembo. Makambo nyonso oyo etali lolango mpe kosangisa nzoto ezala kaka mpo na molongani na yo. (Matai 5:28) Biblia elobi: “Libala ekumisama na kati ya bato nyonso, mpe mbeto ya libala ezala na mbindo te.”—Baebre 13:4.
Bósalelaka bana makambo na bolingo. Kokangaka miso na mabe te kasi kozalaka mpe makambo makasimakasi te.—Masese 29:15; Bakolose 3:21.
Talá mpe...
OKOKI KOZALA NA LIBOTA YA ESENGO
Landá toli ya Nzambe mpo ozala na libala ya esengo
Komituna mituna mibale mpamba ekoki kosalisa yo obongisa libala na yo.
BIYANO NA MITUNA YA BIBLIA
Biblia elobi nini mpo na libala?
Batoli ya Biblia ekoki kosalisa mwasi ná mobali bákima mikakatano to bálonga yango.
LIBALA MPE LIBOTA
Mpo libala ezala na esengo: Monisá ete olingaka molongani na yo
Mosala, mitungisi, mpe mikakatano ya mokolo na mokolo ekoki kosala ete babalani bamoniselana lisusu bolingo mingi te. Bolingo ya solosolo ekoki kolonga mikakatano wana nyonso?
BIYANO NA MITUNA YA BIBLIA
‘Kokumisa tata na yo mpe mama na yo’ elimboli nini?
Okokamwa soki oyebi oyo mobeko yango elingi koloba te.
OLINGI KOYEBA BISO?
Sɛngá moto moko aya kotala yo
Kolobela motuna moko ya Biblia, to koyekola makambo mingi na ntina etali Batatoli ya Yehova.