ຈົດໝາຍເຖິງຕີໂຕ 2:1-15
2 ສ່ວນເຈົ້າ ຂໍໃຫ້ເວົ້າສິ່ງທີ່ສອດຄ່ອງກັບຄຳສອນທີ່ເປັນປະໂຫຍດຕໍ່ໆໄປ.+
2 ສອນຜູ້ຊາຍສູງອາຍຸໃຫ້ຄວບຄຸມໂຕເອງໄດ້ໃນທຸກດ້ານ ເຮັດໂຕໃຫ້ເປັນຕາໜ້ານັບຖື ມີເຫດຜົນ ໝັ້ນຄົງໃນຄວາມເຊື່ອ ສະແດງຄວາມຮັກ ແລະມີຄວາມອົດທົນ.
3 ສອນຜູ້ຍິງສູງອາຍຸໃຫ້ປະພຶດໂຕແບບຄົນທີ່ນັບຖືພະເຈົ້າ ບໍ່ໃສ່ຮ້າຍຄົນອື່ນ ບໍ່ຕິດເຫຼົ້າ ແລະສອນສິ່ງທີ່ດີ.
4 ລາວຈະໄດ້ແນະນຳ*ຜູ້ຍິງທີ່ຍັງໜຸ່ມໃຫ້ຮັກລູກຮັກຜົວ
5 ເປັນຄົນມີເຫດຜົນ ເປັນຄົນບໍລິສຸດ ຮູ້ຈັກເຮັດວຽກເຮືອນ* ເປັນຄົນດີ ແລະເຊື່ອຟັງຜົວ+ ເພື່ອຈະບໍ່ມີຜູ້ໃດເວົ້າໝິ່ນປະໝາດຄຳສອນຂອງພະເຈົ້າໄດ້.
6 ໃຫ້ເຈົ້າແນະນຳພວກຜູ້ຊາຍທີ່ຍັງໜຸ່ມຕໍ່ໆໄປໃຫ້ເປັນຄົນມີເຫດຜົນ.+
7 ເຈົ້າເອງຕ້ອງເປັນຕົວຢ່າງທີ່ດີໃນທຸກດ້ານ ສອນສິ່ງທີ່ບໍລິສຸດ*ດ້ວຍຄວາມຈິງຈັງແລະຮອບຄອບ+
8 ໃຫ້ໃຊ້ຄຳເວົ້າທີ່ດີງາມ*ເຊິ່ງບໍ່ມີຜູ້ໃດຕຳໜິໄດ້+ ເພື່ອຄົນທີ່ມັກຕໍ່ຕ້ານຈະອາຍຍ້ອນບໍ່ມີເລື່ອງຈະເວົ້າໃຫ້ພວກເຮົາ.+
9 ສອນທາດໃຫ້ເຊື່ອຟັງນາຍໃນທຸກດ້ານ+ ພະຍາຍາມເຮັດໃຫ້ນາຍພໍໃຈ ບໍ່ຖຽງ
10 ບໍ່ລັກຫຍັງຂອງນາຍ+ ແຕ່ສະແດງໃຫ້ເຫັນວ່າເປັນຄົນໄວ້ໃຈໄດ້ແທ້ໆ ເພື່ອເຮັດໃຫ້ຄຳສອນຂອງພະເຈົ້າຜູ້ຊ່ວຍໃຫ້ລອດຂອງພວກເຮົາໄດ້ຮັບການຍົກຍ້ອງໃນທຸກດ້ານ.+
11 ພະເຈົ້າສະແດງໃຫ້ເຫັນຄວາມກະລຸນາທີ່ຍິ່ງໃຫຍ່ຂອງເພິ່ນທີ່ຊ່ວຍຄົນທຸກປະເພດໃຫ້ລອດ.+
12 ຄວາມກະລຸນານັ້ນສອນພວກເຮົາໃຫ້ປະຕິເສດການເຮັດຊົ່ວແລະຄວາມຕ້ອງການແບບໂລກ+ ແລະສອນພວກເຮົາໃຫ້ໃຊ້ຊີວິດໃນຍຸກ*ນີ້ຢ່າງມີເຫດຜົນ ເຮັດສິ່ງທີ່ຖືກຕ້ອງ ແລະຢ້ານຢຳພະເຈົ້າ.+
13 ພວກເຮົາຄວນເຮັດແບບນັ້ນໃນຕອນທີ່ລໍຖ້າໃຫ້ຄວາມຫວັງທີ່ວິເສດຂອງພວກເຮົາເປັນຈິງ+ ແລະລໍຖ້າໃຫ້ພະເຈົ້າຜູ້ຍິ່ງໃຫຍ່ແລະພະເຢຊູຄລິດຜູ້ຊ່ວຍໃຫ້ລອດຂອງພວກເຮົາມາສະແດງໃຫ້ເຫັນວ່າພວກເພິ່ນມີລິດເດດຫຼາຍສ່ຳໃດ.
14 ພະຄລິດຍອມສະລະຊີວິດເພື່ອພວກເຮົາ+ ເພື່ອຊ່ວຍພວກເຮົາ+ໃຫ້ເຊົາເຮັດຊົ່ວທຸກແບບ ແລະເຮັດໃຫ້ພວກເຮົາສະອາດເພື່ອຈະເປັນຄົນກຸ່ມພິເສດຂອງເພິ່ນ ແລະເປັນຄົນກະຕືລືລົ້ນໃນການເຮັດວຽກທີ່ດີ.+
15 ໃຫ້ເຈົ້າສອນສິ່ງເຫຼົ່ານີ້ຕໍ່ໆໄປ ລວມທັງໃຫ້ຄຳແນະນຳ*ແລະຕັກເຕືອນດ້ວຍອຳນາດທີ່ເຈົ້າມີຢູ່.+ ຢ່າໃຫ້ຜູ້ໃດດູຖູກເຈົ້າໄດ້.
ຂໍ
^ ຫຼື “ຝຶກສອນ”
^ ຫຼື “ຮູ້ຈັກເບິ່ງແຍງເຮືອນ”
^ ຫຼືອາດແປວ່າ “ສອນຢ່າງບໍລິສຸດໃຈ”
^ ຫຼື “ທີ່ເປັນປະໂຫຍດ”
^ ເບິ່ງສ່ວນອະທິບາຍຄຳສັບ
^ ຫຼື “ໃຫ້ກຳລັງໃຈ”
