ພວກຜູ້ຕັດສິນ 5:1-31
5 ໃນມື້ນັ້ນ ເດໂບຣາ+ກັບບາຣາກ+ລູກຊາຍຂອງອາບີໂນອາມໄດ້ຮ້ອງເພງນີ້:+
2 “ໃຫ້ສັນລະເສີນພະເຢໂຫວາຍ້ອນພວກທະຫານທີ່ປ່ອຍຜົມຍາວ*ໃນອິດສະຣາເອນແລະຍ້ອນຄົນທີ່ອາສາໄປຕໍ່ສູ້.+
3 ຟັງເດີ້ ພວກກະສັດ! ຟັງເດີ້ ພວກຜູ້ປົກຄອງ!
ຂ້ອຍຊິຮ້ອງເພງໃຫ້ພະເຢໂຫວາ.
ຂ້ອຍຊິຮ້ອງເພງ*ສັນລະເສີນພະເຢໂຫວາ+ພະເຈົ້າຂອງອິດສະຣາເອນ.+
4 ພະເຢໂຫວາ ເມື່ອພະອົງອອກຈາກເສອີ+ແລະເມື່ອພະອົງພາກອງທັບອອກມາຈາກເຂດຂອງພວກເອໂດມແຜ່ນດິນກໍສັ່ນສະເທືອນ ແລະທ້ອງຟ້າກໍເທນ້ຳລົງມາຂີ້ເຝື້ອກໍເທນ້ຳລົງມາ.
5 ພູຕ່າງໆເປື່ອຍໄປ*ຕໍ່ໜ້າພະເຢໂຫວາ+ແມ່ນແຕ່ຊີນາຍກໍເປື່ອຍໄປຕໍ່ໜ້າພະເຢໂຫວາ+ພະເຈົ້າຂອງອິດສະຣາເອນ.+
6 ໃນສະໄໝຂອງຊຳຄາ+ລູກຊາຍຂອງອານາດໃນສະໄໝຂອງຢາເອນ+ ເສັ້ນທາງຫຼັກຖືກປະຮ້າງຜູ້ຄົນຈຶ່ງພາກັນໄປທຽວເສັ້ນທາງອື່ນ.
7 ບ້ານຕ່າງໆຂອງພວກອິດສະຣາເອນບໍ່ມີໃຜຢູ່ອີກຕໍ່ໄປ.ບໍ່ມີໃຜຢູ່ອີກຕໍ່ໄປ ຈົນກະທັ່ງຂ້ອຍເດໂບຣາ+ລຸກຂຶ້ນມາຈົນກະທັ່ງຂ້ອຍລຸກຂຶ້ນມາ ຄືກັບແມ່ທີ່ມາຊ່ວຍພວກອິດສະຣາເອນ.+
8 ເຂົາເຈົ້ານະມັດສະການພະເຈົ້າອື່ນໆ+ສົງຄາມຈຶ່ງມາຮອດປະຕູເມືອງຕ່າງໆ.+
ໃນພວກທະຫານອິດສະຣາເອນ 40.000 ຄົນບໍ່ມີໃຜມີໂລ້ຫຼືຫອກຈັກອັນເລີຍ.
9 ຂ້ອຍຢູ່ຝ່າຍພວກຫົວໜ້າທະຫານຂອງອິດສະຣາເອນ+ເຂົາເຈົ້າອາສາເຂົ້າໄປຕໍ່ສູ້ພ້ອມກັບປະຊາຊົນ.+
ຂໍໃຫ້ສັນລະເສີນພະເຢໂຫວາ!
10 ພວກເຈົ້າທີ່ຂີ່ໂຕລາສີນ້ຳຕານອ່ອນພວກເຈົ້າທີ່ນັ່ງເທິງພົມດີໆແລະພວກເຈົ້າທີ່ຍ່າງຢູ່ຫົນທາງຂໍໃຫ້ຄິດດີໆເດີ້!
11 ມີສຽງຄົນຕັກນ້ຳລົມກັນຢູ່ບ່ອນຕັກນ້ຳ.ເຂົາເຈົ້າເວົ້າເຖິງສິ່ງດີໆທີ່ພະເຢໂຫວາເຄີຍເຮັດແລະເວົ້າເຖິງສິ່ງດີໆທີ່ພວກອິດສະຣາເອນຕາມບ້ານຕ່າງໆເຄີຍເຮັດ.
ແລ້ວຄົນຂອງພະເຢໂຫວາກໍລົງໄປປະຕູເມືອງ.
12 ຕື່ນເດີ້ ເດໂບຣາຕື່ນເດີ້!+
ຕື່ນເດີ້ ຕື່ນຂຶ້ນມາຮ້ອງເພງ!+
ລຸກເດີ້ ບາຣາກ+ລູກຊາຍຂອງອາບີໂນອາມ ແລະພາຊະເລີຍຂອງເຈົ້າໄປ!
13 ແລ້ວຄົນທີ່ເຫຼືອກໍລົງມາຫາພວກຫົວໜ້າ.ຄົນຂອງພະເຢໂຫວາລົງມາຫາຂ້ອຍເພື່ອຕໍ່ສູ້ກັບພວກທີ່ແຂງແຮງ.
14 ຄົນໃນຕະກູນເບັນຢາມິນເອີ້ຍ ຄົນທີ່ມາຈາກຮ່ອມພູ*ໃນເຂດເອຟຣາຢິມກຳລັງນຳຫຼັງພວກເຈົ້າໄປ. ເຂົາເຈົ້າເປັນຄົນຂອງພວກເຈົ້າ.
ພວກຫົວໜ້າທະຫານລົງມາຈາກມາກີ+ແລະຄົນທີ່ຈັບໄມ້ຄ້ອນເທົ້າ*ທີ່ເປັນຜູ້ຄັດເລືອກທະຫານມາຈາກເຊບູລູນ.
15 ພວກຫົວໜ້າຂອງຕະກູນອິດຊາຄາຢູ່ກັບເດໂບຣາ.ຄືກັບຕະກູນອິດຊາຄາ ບາຣາກ+ກໍຢູ່ກັບເດໂບຣາຄືກັນ.
ລາວຍ່າງເຂົ້າໄປໃນຮ່ອມພູ+
ແຕ່ຫຼາຍຄົນໃນຕະກູນຣູເບັນກຳລັງກວດເບິ່ງຫົວໃຈຢູ່.*
16 ເປັນຫຍັງເຈົ້າຄືນັ່ງຢູ່ເທິງອານລະຫວ່າງກະເປົາສອງເບື້ອງແລະນັ່ງຟັງຄົນລ້ຽງແກະເປົ່າຂຸ່ຍ?+
ຫຼາຍຄົນໃນຕະກູນຣູເບັນກໍກຳລັງກວດເບິ່ງຫົວໃຈຢູ່.
17 ເປັນຫຍັງຄົນທີ່ຢູ່ກິລຽດຄືຍັງຢູ່ທາງຟາກຕາເວັນອອກຂອງແມ່ນ້ຳຈໍແດນ?+ເປັນຫຍັງຄົນໃນຕະກູນດານຄືຍັງຢູ່ໃນເຮືອ?+
ຄົນໃນຕະກູນອາເຊກະນັ່ງຢູ່ລ້າໆຢູ່ແຄມຝັ່ງທະເລແລະຍັງຢູ່ທ່າເຮືອບໍ່ໄດ້ໄປໃສ.+
18 ຄົນໃນຕະກູນເຊບູລູນຍອມສ່ຽງຊີວິດຈົນຕາຍແລະຄົນໃນຕະກູນນັບທາລີກໍຍອມສ່ຽງຊີວິດ+ຢູ່ເທິງພູ.+
19 ກະສັດຕ່າງໆພາກັນມາຕໍ່ສູ້ແລ້ວກະສັດການາອານກໍມາຕໍ່ສູ້+ຢູ່ເມືອງຕາອານັກໃກ້ໆກັບແມ່ນ້ຳເມກິດໂດ+
ແຕ່ພວກເຂົາປຸ້ນເອົາເງິນບໍ່ໄດ້.+
20 ດາວຕ່າງໆຕໍ່ສູ້ຈາກຟ້າ.ພວກມັນຕໍ່ສູ້ຊີເຊຣາຈາກວົງໂຄຈອນຂອງມັນ.
21 ຫ້ວຍກີໂຊນກວາດພວກເຂົາໄປ.+ຫ້ວຍກີໂຊນເປັນຫ້ວຍບູຮານ.
ເຮົາໄດ້ຢຽບພວກສັດຕູທີ່ແຂງແຮງໃຫ້ລົງພື້ນ.
22 ສຽງກີບຕີນຂອງມ້າກະທົບໃສ່ພື້ນຕອນທີ່ມ້າແລ່ນໜີອອກໄປໄວໆ.+
23 ທູດສະຫວັນຂອງພະເຢໂຫວາບອກວ່າ ‘ຂໍໃຫ້ເມໂຣດຖືກສາບແຊ່ງ.ຂໍໃຫ້ຄົນທີ່ຢູ່ຫັ້ນຖືກສາບແຊ່ງຍ້ອນເຂົາເຈົ້າບໍ່ໄດ້ມາຊ່ວຍພະເຢໂຫວາ.ເຂົາເຈົ້າບໍ່ໄດ້ມາຊ່ວຍພະເຢໂຫວາຕໍ່ສູ້ກັບພວກທີ່ແຂງແຮງ.’
24 ຜູ້ຍິງທີ່ໄດ້ພອນຫຼາຍທີ່ສຸດແມ່ນຢາເອນ.+ລາວເປັນເມຍຂອງເຮເບ+ຄົນເກນີ.ໃນພວກຜູ້ຍິງທີ່ຢູ່ໃນເຕັ້ນ ລາວໄດ້ພອນຫຼາຍທີ່ສຸດ.
25 ຊີເຊຣາຂໍນ້ຳກິນ ແຕ່ລາວເອົານົມໃຫ້.
ລາວເອົານົມສົ້ມໂຖໃຫຍ່ໃຫ້ຊີເຊຣາ.+
26 ລາວຈັບຫຼັກໄມ້ທີ່ຍຶດເຕັ້ນມາແລະລາວຈັບຄ້ອນຂອງຊ່າງໄວ້ຢູ່ມືຂວາ
ແລ້ວກໍຕອກໃສ່ຫົວຂອງຊີເຊຣາ.ລາວຕອກໃສ່ຂະໝັບຂອງຊີເຊຣາຈົນຊອດ.+
27 ຊີເຊຣານອນຢູ່ລະຫວ່າງຕີນຂອງຢາເອນ. ລາວນອນແບບບໍ່ເໜັງບໍ່ຕີງ.ລາວນອນຕາຍຢູ່ລະຫວ່າງຕີນຂອງຢາເອນ.ລາວຂາດໃຈຕາຍຢູ່ບ່ອນທີ່ລາວນອນ.
28 ຜູ້ຍິງຄົນໜຶ່ງແນມອອກໄປທາງປ່ອງຢ້ຽມຜູ້ຍິງຄົນນັ້ນແມ່ນແມ່ຂອງຊີເຊຣາ. ລາວເບິ່ງຜ່ານຕານ່າງໄມ້ແລະເວົ້າວ່າ‘ເປັນຫຍັງລົດຮົບຂອງລູກຂ້ອຍຄືນານມາແທ້?
ເປັນຫຍັງປານນີ້ຂ້ອຍຄືຍັງບໍ່ໄດ້ຍິນສຽງກີບຕີນມ້າທີ່ແກ່ລົດຮົບຂອງລູກ?’+
29 ພວກຜູ້ຍິງທີ່ສະຫຼາດຢູ່ໃນເຮືອນຂອງລາວກໍຕອບລາວແລະເຂົາເຈົ້າເວົ້າກັບໂຕເອງຫຼາຍເທື່ອວ່າ
30 ‘ເຂົາເຈົ້າກຳລັງແບ່ງເຄື່ອງຂອງທີ່ປຸ້ນມາຢູ່ຕີ້.ຄືຊິຍັງແບ່ງຜູ້ສາວຈັກຄົນສອງຄົນໃຫ້ທະຫານແຕ່ລະຄົນຢູ່.ຄືຊິກຳລັງເອົາຜ້າຍ້ອມສີໃຫ້ຊີເຊຣາ ເປັນຜ້າຍ້ອມສີທີ່ປຸ້ນມາໄດ້ແລ້ວກໍເອົາເຄື່ອງນຸ່ງທີ່ມີລາຍຖັກແສ່ວ ຜ້າຍ້ອມສີກັບເຄື່ອງນຸ່ງສອງຊຸດທີ່ມີລາຍຖັກແສ່ວມາຄ້ອງຄໍຂອງພວກທະຫານ.’
31 ພະເຢໂຫວາ ຂໍໃຫ້ສັດຕູຂອງພະອົງຈິບຫາຍໄປ+ແຕ່ຂໍໃຫ້ຄົນທີ່ຮັກພະອົງເປັນຄືກັບຕາເວັນທີ່ກຳລັງຂຶ້ນແລະສ່ອງແສງເຈີດຈ້າ.”
ແລ້ວແຜ່ນດິນກໍສະຫງົບສຸກຢູ່ 40 ປີ.+
ຂໍ
^ ອາດໝາຍເຖິງສຳນວນກ່ຽວກັບຄຳປະຕິຍານຫຼືການອຸທິດໂຕໃຫ້ພະເຈົ້າ
^ ຫຼື “ຫຼິ້ນດົນຕີ”
^ ຫຼືອາດແປວ່າ “ສັ່ນໄຫວ”
^ ຫຼື “ທົ່ງພຽງ”
^ ຫຼືອາດແປວ່າ “ຄົນທີ່ຖືເຄື່ອງຄັດລອກ”
^ ຫຼື “ຍັງຕັດສິນໃຈບໍ່ໄດ້”
