ພະນິມິດທີ່ເປີດເຜີຍໃຫ້ໂຢຮັນ 13:1-18
13 ພະຍານາກຢືນຢູ່ຫາດຊາຍແຄມທະເລ.
ແລ້ວຂ້ອຍກໍເຫັນສັດຮ້າຍໂຕໜຶ່ງ+ຂຶ້ນມາຈາກທະເລ.+ ມັນມີຫົວ 7 ຫົວກັບເຂົາ 10 ເຂົາ ແລະທັງສິບເຂົານັ້ນມີມົງກຸດ. ແຕ່ລະຫົວຂອງມັນມີຊື່ທີ່ໝິ່ນປະໝາດພະເຈົ້າຂຽນໄວ້.
2 ສັດຮ້າຍທີ່ຂ້ອຍເຫັນນັ້ນຄືກັບເສືອດາວ ແຕ່ຕີນຂອງມັນຄືກັບຕີນໝີ ປາກຂອງມັນຄືກັບປາກສິງ ແລະພະຍານາກ+ໄດ້ໃຫ້ສັດຮ້າຍນັ້ນມີລິດເດດ ບັນລັງ ແລະອຳນາດຍິ່ງໃຫຍ່.+
3 ແລ້ວຂ້ອຍກໍເຫັນຫົວຂອງມັນຫົວໜຶ່ງບາດເຈັບສາຫັດແລະເບິ່ງຄືວ່າຕາຍແລ້ວ ແຕ່ບາດນັ້ນຖືກປົວໃຫ້ເຊົາແລ້ວ.+ ຄົນທົ່ວໂລກໄດ້ຕິດຕາມສັດຮ້າຍນັ້ນໄປດ້ວຍຄວາມນິຍົມຊົມຊອບ.
4 ຄົນຂາບໄຫວ້ພະຍານາກນັ້ນຍ້ອນມັນໃຫ້ອຳນາດສັດຮ້າຍ. ຄົນຂາບໄຫວ້ສັດຮ້າຍນັ້ນແລະເວົ້າວ່າ: “ໃຜຈະທຽບສັດຮ້າຍໂຕນີ້ໄດ້? ໃຜຈະຕໍ່ສູ້ມັນໄດ້?”
5 ສັດຮ້າຍໄດ້ຮັບອຳນາດໃຫ້ເວົ້າຄຳຈອງຫອງແລະໝິ່ນປະໝາດພະເຈົ້າ ແລະມັນມີອຳນາດເຮັດສິ່ງຕ່າງໆເປັນເວລາ 42 ເດືອນ.+
6 ມັນເວົ້າໝິ່ນປະໝາດພະເຈົ້າ+ ດູຖູກຊື່ແລະບ່ອນຢູ່ຂອງເພິ່ນ ແລະດູຖູກຜູ້ທີ່ຢູ່ໃນສະຫວັນນຳ.+
7 ມັນໄດ້ຮັບອະນຸຍາດໃຫ້ເຮັດສົງຄາມກັບພວກຜູ້ບໍລິສຸດແລະຊະນະເຂົາເຈົ້າ.+ ມັນໄດ້ຮັບອຳນາດເໜືອທຸກຕະກູນ ທຸກຊາດ ທຸກພາສາ ແລະທຸກປະເທດ.
8 ຄົນທົ່ວໂລກຈະຂາບໄຫວ້ມັນ ແລະຕັ້ງແຕ່ເລີ່ມມີໂລກນີ້* ບໍ່ມີຊື່ຄົນເຫຼົ່ານັ້ນຈັກຄົນທີ່ຖືກຂຽນໄວ້ໃນມ້ວນໜັງສືລາຍຊື່ຄົນທີ່ຈະໄດ້ຊີວິດ+ ເຊິ່ງເປັນມ້ວນໜັງສືຂອງແກະນ້ອຍຂອງພະເຈົ້າທີ່ເຄີຍຖືກຂ້າ.+
9 ຖ້າໃຜມີຫູ ຂໍໃຫ້ຟັງ.+
10 ຖ້າໃຜຕ້ອງຖືກຈັບເຂົ້າຄຸກ ລາວກໍຈະຕິດຄຸກແນ່ນອນ. ຖ້າໃຜຂ້າຄົນດ້ວຍດາບ* ລາວກໍຕ້ອງຖືກຂ້າດ້ວຍດາບ.+ ຍ້ອນແນວນີ້ ພວກຜູ້ບໍລິສຸດ+ຈຶ່ງຕ້ອງມີຄວາມອົດທົນ+ແລະຄວາມເຊື່ອ.+
11 ແລ້ວຂ້ອຍກໍເຫັນສັດຮ້າຍອີກໂຕໜຶ່ງຂຶ້ນມາຈາກແຜ່ນດິນ. ມັນມີເຂົາ 2 ເຂົາຄືກັບແກະນ້ອຍ ແຕ່ມັນເລີ່ມເວົ້າຄືກັບພະຍານາກ.+
12 ສັດຮ້າຍໂຕນີ້ສະແດງໃຫ້ສັດຮ້າຍໂຕທຳອິດ+ເຫັນວ່າມັນມີອຳນາດສ່ຳກັນ. ມັນເຮັດໃຫ້ໂລກແລະຄົນໃນໂລກຂາບໄຫວ້ສັດຮ້າຍໂຕທຳອິດທີ່ບາດຖືກປົວໃຫ້ເຊົາແລ້ວ.+
13 ມັນເຮັດສິ່ງອັດສະຈັນຕ່າງໆຕໍ່ໜ້າຄົນທົ່ວໂລກ. ມັນເຖິງຂັ້ນວ່າເຮັດໃຫ້ມີໄຟຕົກຈາກຟ້າລົງມາໃສ່ໂລກ.
14 ມັນຫຼອກລວງຄົນໃນໂລກໃຫ້ຫຼົງຜິດດ້ວຍສິ່ງອັດສະຈັນຕ່າງໆທີ່ມັນໄດ້ຮັບອະນຸຍາດໃຫ້ເຮັດຕໍ່ໜ້າສັດຮ້າຍນັ້ນ ແລະມັນບອກຄົນໃນໂລກໃຫ້ເຮັດຮູບປັ້ນ+ຂອງສັດຮ້າຍທີ່ຖືກຟັນດ້ວຍດາບແຕ່ຟື້ນໂຕແລ້ວ.+
15 ມັນໄດ້ຮັບອະນຸຍາດທີ່ຈະເອົາລົມຫາຍໃຈໃຫ້ຮູບປັ້ນຂອງສັດຮ້າຍເພື່ອຮູບປັ້ນນັ້ນຈະເວົ້າໄດ້. ມັນສັ່ງໃຫ້ຂ້າທຸກຄົນທີ່ບໍ່ຍອມຂາບໄຫວ້ຮູບປັ້ນຂອງສັດຮ້າຍນັ້ນ.
16 ມັນບັງຄັບທຸກຄົນ ທັງຄົນທຳມະດາແລະຄົນທີ່ມີອຳນາດ ຄົນຮັ່ງແລະຄົນທຸກ ຄົນທີ່ມີອິດສະຫຼະແລະຄົນທີ່ເປັນທາດໃຫ້ຮັບເອົາເຄື່ອງໝາຍຢູ່ມືເບື້ອງຂວາຫຼືຢູ່ໜ້າຜາກ+
17 ແລະບໍ່ໃຫ້ຜູ້ໃດຊື້ຫຼືຂາຍຫຍັງໄດ້ ນອກຈາກວ່າຜູ້ນັ້ນຈະມີເຄື່ອງໝາຍ ເຊິ່ງກໍແມ່ນຊື່+ຂອງສັດຮ້າຍຫຼືໂຕເລກຂອງຊື່ມັນ.+
18 ເລື່ອງນີ້ຕ້ອງໃຊ້ສະຕິປັນຍາຈຶ່ງຈະເຂົ້າໃຈໄດ້. ໃຫ້ຄົນທີ່ມີຄວາມເຂົ້າໃຈເລິກເຊິ່ງຄິດໄລ່ໂຕເລກຂອງສັດຮ້າຍນັ້ນ. ມັນເປັນໂຕເລກຂອງມະນຸດ ແລະໂຕເລກຂອງມັນແມ່ນ 666.+
ຂໍ
^ ໝາຍເຖິງຕັ້ງແຕ່ກ່ອນອາດາມກັບເອວາມີລູກ
^ ຫຼືອາດແປວ່າ “ຖ້າໃຜຈະຖືກຂ້າດ້ວຍດາບ”
