ພະນິມິດທີ່ເປີດເຜີຍໃຫ້ໂຢຮັນ 8:1-13
8 ເມື່ອແກະນ້ອຍຂອງພະເຈົ້າ+ແກະກາຈ້ຳອັນທີ 7+ ສະຫວັນກໍງຽບປະມານເຄິ່ງຊົ່ວໂມງ.
2 ແລ້ວຂ້ອຍກໍເຫັນທູດສະຫວັນ 7 ອົງ+ຢືນຢູ່ຕໍ່ໜ້າພະເຈົ້າ ແລະເພິ່ນເອົາແກ 7 ອັນໃຫ້ເຂົາເຈົ້າ.
3 ມີທູດສະຫວັນອີກອົງໜຶ່ງຢືນຢູ່ຂ້າງແທ່ນບູຊາ.+ ລາວຖືແນວເຜົາເຄື່ອງຫອມທີ່ເປັນຄຳ. ລາວໄດ້ຮັບເຄື່ອງຫອມບັກຫຼາຍໆ+ເພື່ອຈະເຜົາຢູ່ເທິງແທ່ນບູຊາຄຳ+ທີ່ຢູ່ຕໍ່ໜ້າບັນລັງຕອນທີ່ພວກຜູ້ບໍລິສຸດອະທິດຖານ.
4 ຄວັນຂອງເຄື່ອງຫອມໃນມືທູດສະຫວັນອົງນັ້ນກັບຄຳອະທິດຖານ+ຂອງພວກຜູ້ບໍລິສຸດໄດ້ລອຍຂຶ້ນໄປຕໍ່ໜ້າພະເຈົ້າ.
5 ຈາກນັ້ນ ທູດສະຫວັນອົງນັ້ນກໍເອົາແນວເຜົາເຄື່ອງຫອມໄປໃສ່ຖ່ານໄຟ*ທີ່ຢູ່ແທ່ນບູຊາຈົນເຕັມແລ້ວຖິ້ມລົງມາໃສ່ໂລກ ຈຶ່ງເຮັດໃຫ້ເກີດສຽງຟ້າຮ້ອງ ສຽງເວົ້າ ຟ້າແມບ+ ແລະແຜ່ນດິນໄຫວ.
6 ສ່ວນທູດສະຫວັນ 7 ອົງທີ່ມີແກ 7 ອັນ+ກໍກຽມເປົ່າແກ.
7 ເມື່ອທູດສະຫວັນອົງທີ 1 ເປົ່າແກ ໝາກເຫັບແລະໄຟປົນກັບເລືອດກໍຖືກຖິ້ມລົງມາໃສ່ໂລກ.+ ແລ້ວ 1 ໃນ 3 ສ່ວນຂອງໂລກກໍຖືກຈູດ. 1 ໃນ 3 ສ່ວນຂອງຕົ້ນໄມ້ກໍຖືກຈູດ ແລະພືດສີຂຽວທັງໝົດກໍຖືກຈູດຄືກັນ.+
8 ເມື່ອທູດສະຫວັນອົງທີ 2 ເປົ່າແກ ສິ່ງໜຶ່ງທີ່ຄືກັບພູໜ່ວຍໃຫຍ່ໆທີ່ມີໄຟລຸກຢູ່ກໍຖືກຖິ້ມລົງໃນທະເລ+ ແລ້ວ 1 ໃນ 3 ສ່ວນຂອງທະເລກໍກາຍເປັນເລືອດ.+
9 1 ໃນ 3 ສ່ວນຂອງສິ່ງທີ່ມີຊີວິດໃນທະເລກໍຕາຍໝົດ+ ແລະ 1 ໃນ 3 ສ່ວນຂອງເຮືອທັງໝົດທີ່ຢູ່ທະເລກໍຈົມ.
10 ເມື່ອທູດສະຫວັນອົງທີ 3 ເປົ່າແກ ດາວໃຫຍ່ດວງໜຶ່ງທີ່ມີໄຟລຸກຢູ່ຄືກັບໂຄມໄຟກໍຕົກຈາກເທິງຟ້າລົງມາໃສ່ 1 ໃນ 3 ສ່ວນຂອງແມ່ນ້ຳຕ່າງໆແລະຂອງນ້ຳພຸຕ່າງໆ.+
11 ດາວດວງນັ້ນຊື່ເຄືອເຂົາຮໍ. ເຄືອເຂົາຮໍນັ້ນເຮັດໃຫ້ 1 ໃນ 3 ສ່ວນຂອງນ້ຳຂົມ ແລະຄົນບັກຫຼາຍໆກໍຕາຍຍ້ອນນ້ຳຂົມນັ້ນ.+
12 ເມື່ອທູດສະຫວັນອົງທີ 4 ເປົ່າແກ 1 ໃນ 3 ສ່ວນຂອງຕາເວັນ+ 1 ໃນ 3 ສ່ວນຂອງເດືອນ ແລະ 1 ໃນ 3 ສ່ວນຂອງດາວຕ່າງໆກໍຖືກເຮັດໃຫ້ມືດ.+ 1 ໃນ 3 ສ່ວນຂອງກາງເວັນກໍບໍ່ມີແສງສະຫວ່າງແລະກາງຄືນກໍຄືກັນ.
13 ແລ້ວຂ້ອຍກໍເຫັນແລະໄດ້ຍິນນົກອິນຊີໂຕໜຶ່ງທີ່ບິນຢູ່ເທິງຟ້າເວົ້າສຽງດັງວ່າ: “ຄົນໃນໂລກຈະຕ້ອງເດືອດຮ້ອນ ເດືອດຮ້ອນ ເດືອດຮ້ອນ+ ຍ້ອນສິ່ງທີ່ກຳລັງຈະເກີດຂຶ້ນເມື່ອທູດສະຫວັນອີກ 3 ອົງເປົ່າແກ!”+
ຂໍ
^ ແປຕາມໂຕວ່າ “ໄຟ”
