ມີກາ 1:1-16
1 ໃນສະໄໝທີ່ໂຢທາມ+ ອາຮາດ+ ແລະເຮເຊກີຢາ+ເປັນກະສັດປົກຄອງຢູດາ+ ພະເຢໂຫວາໄດ້ສົ່ງຂ່າວມາຫາຂ້ອຍມີກາ*+ຄົນໂມເຣເຊັດກັດ. ເພິ່ນໃຫ້ຂ້ອຍເຫັນນິມິດກ່ຽວກັບເມືອງຊາມາເຣຍແລະເມືອງເຢຣູຊາເລັມ. ນິມິດເປັນແບບນີ້:
2 “ທຸກຄົນໃຫ້ຟັງເດີ້!
ໂລກແລະສິ່ງທີ່ມີຊີວິດຢູ່ໃນໂລກໃຫ້ຕັ້ງໃຈຟັງເດີ້!ເຮົາເຢໂຫວາຜູ້ຍິ່ງໃຫຍ່ສູງສຸດຈະຕັດສິນພວກເຈົ້າ.+ເຮົາເຢໂຫວາຈະຕັດສິນຈາກວິຫານທີ່ບໍລິສຸດຂອງເຮົາ.
3 ເຮົາເຢໂຫວາຈະອອກມາຈາກບ່ອນຢູ່ຂອງເຮົາ.ເຮົາຈະລົງມາແລະຍ່າງຢູ່ເທິງພູຕ່າງໆໃນໂລກນີ້.
4 ພູຕ່າງໆຈະເປື່ອຍຢູ່ພື້ນຕີນເຮົາ+ແລະຮ່ອມພູຕ່າງໆກໍຈະເປື່ອຍ.ມັນຈະເປື່ອຍຄືກັບຂີ້ເຜີ້ງທີ່ຖືກໄຟລົນແລະຄືກັບນ້ຳທີ່ຖືກຖອກລົງມາຈາກບ່ອນທີ່ສູງໆ.
5 ເລື່ອງທັງໝົດນີ້ຈະເກີດຂຶ້ນກໍຍ້ອນຢາໂຄບກະບົດແລະຍ້ອນຄວາມຜິດທີ່ລູກຫຼານອິດສະຣາເອນໄດ້ເຮັດ.+
ໃຜຈະຮັບຜິດຊອບຕໍ່ການກະບົດຂອງຢາໂຄບ?
ກໍແມ່ນຊາມາເຣຍຫັ້ນແຫຼະ!+
ຈະໂທດໃຜສຳລັບບ່ອນນະມັດສະການຕ່າງໆໃນຢູດາ?+
ກໍໂທດເຢຣູຊາເລັມຫັ້ນແຫຼະ!
6 ເຮົາຈະເຮັດໃຫ້ຊາມາເຣຍເປັນກອງຊາກຫັກພັງແລະເປັນບ່ອນປູກໝາກລະແຊັງ.ເຮົາຈະໂຍນ*ຫີນທີ່ສ້າງເມືອງນີ້ລົງຮ່ອມພູແລະເຮົາຈະເຮັດໃຫ້ເມືອງນີ້ເຫຼືອແຕ່ຮາກຖານ.
7 ຮູບບູຊາທັງໝົດຂອງເມືອງນີ້ຈະຖືກທຸບຈົນມຸ່ນ+ແລະເງິນທັງໝົດທີ່ເມືອງນີ້ໄດ້ຈາກການຂາຍໂຕຈະຖືກຈູດຖິ້ມ.+
ເຮົາຈະທຳລາຍຮູບບູຊາທັງໝົດຂອງເມືອງນີ້.
ເມືອງນີ້ເອົາເງິນທີ່ໄດ້ຈາກການຂາຍໂຕໄປຊື້ຮູບບູຊາແລ້ວຮູບບູຊາເຫຼົ່ານີ້ກໍຈະຖືກເອົາໄປຈ່າຍເປັນຄ່າຈ້າງໃຫ້ພວກໂສເພນີຢູ່ບ່ອນອື່ນ.”
8 ຍ້ອນແນວນີ້ ຂ້ອຍຈະຮ້ອງໄຫ້ເສຍໃຈ.+ຂ້ອຍຈະຍ່າງປະຕີນເປົ່າແລະນຸ່ງແຕ່ເສື້ອໂຕທາງໃນ.+
ສຽງຮ້ອງໄຫ້ຂອງຂ້ອຍຈະເປັນຄືກັບສຽງໝາໄນຫອນແລະສຽງຮ້ອງໂສກເສົ້າຂອງຂ້ອຍຈະເປັນຄືກັບສຽງຂອງນົກກະຈອກເທດ.
9 ບາດແຜຂອງຊາມາເຣຍຈະປົວບໍ່ໄດ້.+ບາດນັ້ນລາມມາຮອດຢູດາແລ້ວ.+
ມັນລາມມາຮອດປະຕູເມືອງເຢຣູຊາເລັມ+ທີ່ເປັນເມືອງຂອງຄົນຊາດດຽວກັນກັບຂ້ອຍ.
10 “ເຈົ້າຢ່າປະກາດເລື່ອງນີ້ໃນເມືອງກັດ.ຢ່າຮ້ອງໄຫ້ເດັດຂາດ.
ໃຫ້ເຈົ້ານອນເກືອກຂີ້ດິນຢູ່ເມືອງເບັດອາຟະຣາ.*
11 ຄົນທີ່ຢູ່ຊາຟີເອີ້ຍ ໃຫ້ພວກເຈົ້າປະເປືອຍອອກຈາກແຜ່ນດິນຂອງພວກເຈົ້າໄປເປັນຊະເລີຍດ້ວຍຄວາມອັບອາຍ.
ຄົນໃນເມືອງຊາອານານບໍ່ຍອມອອກມາ.
ເມືອງເບັດເອດເຊັນທີ່ເຄີຍເປັນບ່ອນລີ້ໄພຂອງພວກເຈົ້າ ຕອນນີ້ມີແຕ່ສຽງຮ້ອງໄຫ້ເສຍໃຈ.
12 ຄົນເມືອງມາໂຣດຖ້າໃຫ້ສິ່ງທີ່ດີໆເກີດຂຶ້ນແຕ່ເຮົາເຢໂຫວາພັດເຮັດໃຫ້ສິ່ງທີ່ບໍ່ດີເກີດຂຶ້ນຢູ່ປະຕູເມືອງເຢຣູຊາເລັມ.
13 ຄົນເມືອງລາກິດ+ເອີ້ຍ ໃຫ້ເອົາມ້າໄປແກ່ລົດຮົບ.
ເຈົ້າເປັນຕົ້ນເຫດພາໃຫ້ຄົນໃນເມືອງຊີໂອນເຮັດຜິດ.ເຈົ້າກະບົດຕໍ່ເຮົາຄືກັບທີ່ພວກອິດສະຣາເອນເຮັດ.+
14 ຍ້ອນແນວນີ້ ເຈົ້າຈຶ່ງເອົາຂອງຂວັນອຳລາໃຫ້ເມືອງໂມເຣເຊັດກັດ.
ຄົນໃນເມືອງອັກຊິບ*+ໄດ້ເຮັດໃຫ້ພວກກະສັດອິດສະຣາເອນຜິດຫວັງ.
15 ຄົນໃນເມືອງມາເຣຊາ+ເອີ້ຍ ເຮົາຈະໃຫ້ສັດຕູທີ່ຍຶດເອົາທຸກສິ່ງມາຕໍ່ສູ້ເຈົ້າ.+
ຜູ້ທີ່ມີສະຫງ່າລາສີ*ຂອງອິດສະຣາເອນຈະໄປໄກຈົນຮອດອະດຸລາມ.+
16 ໃຫ້ຕັດຜົມແລະແຖຫົວເພື່ອລູກທີ່ຮັກຂອງພວກເຈົ້າ.
ໃຫ້ຫົວຂອງພວກເຈົ້າໂລ້ນຄືກັບຫົວໂຕແຮ້ງ*ຍ້ອນລູກຂອງພວກເຈົ້າຖືກຈັບໄປເປັນຊະເລີຍແລ້ວ.”+
ຂໍ
^ ຫຍໍ້ມາຈາກມີກາເອນທີ່ແປວ່າ “ໃຜຈະຄືກັບພະເຈົ້າ?” ຫຼືຫຍໍ້ມາຈາກມີກາຢາທີ່ແປວ່າ “ໃຜຈະຄືກັບພະເຢໂຫວາ?”
^ ແປຕາມໂຕວ່າ “ຖອກ”
^ ຫຼື “ໃນເຮືອນອາຟະຣາ”
^ ແປຕາມໂຕວ່າ “ຄອບຄົວຕ່າງໆໃນອັກຊິບ”
^ ແປຕາມໂຕວ່າ “ສະຫງ່າລາສີ”
^ ພາສາເຮັບເຣີອາດໝາຍເຖິງນົກອິນຊີນຳ
